Magrib

Ut Wikipedy
Gean nei: navigaasje, sykje
De Magrib Uny

De Magrib is de westerein fan de Arabyske wrâld. Wurdlik is it: Dêr't de sinne ûndergiet.

Yn de tiid fan it Arabyske Ryk waard de namme brûkt foar Marokko, mar no is it almeast de namme fan it eardere part fan it ryk om it westlik bekken fan de Middellânske See hinne. Histoarysk is de Magrib dêrmei de stripe lân benoarden it Atlasberchtme plus Spanje dêr tsjinoer. Om't Spanje net langer Arabysk is, wurde ta de hjoeddeiske Magrib almeast allinnich de noardlike parten fan Marokko, Algerije en Tuneezje rekkene.

Krekt as by Jeropa wurdt ek Magrib by útwreiding brûkt as de westlike lannen. Yn dy betsjutting wurdt alles yn Afrika west fan de Nyl en min ofte mear noard fan de Sahara ta de Magrib rekkenne. Mei alles derby is dat dan: Mauretaanje, Westlike Sahara, Marokko, Algerije, Tuneezje, Lybje en it westen fan Egypte. Yn dizze betsjutting stiet it tsjin de Masrik oer, de eastlike lannen. De mienskiplike kultuer fan dizze lannen fan Grut-Magrib is Arabysk, oars as dy fan de lannen besúden de Sahara. Mar der binne ek dúdlike Berberske invloeden, dy't de kultuer oars meitsje as dy fan de lannen yn it Heine Easten.

Yn 1989 is de Arabyske Uny fan de Magrib stifte. De uny stribbet nei de ferbettering fan de gearwurking tusken Mauretaanje, Marokko, Algerije Tuneezje en Lybje. De oarspronklike ideeën stjoerden hast op in bûnssteat oan, mar de uny stribbet op it stuit fral nei gearwurking op it mêd fan de hannel.