Lord Chamberlain's Men

Ut Wikipedy
Gean nei: navigaasje, sykje

De Lord Chamberlain's Men wie in Ingelsk toanielselskip út 'e Elizabetaanske Tiid, dêr't de wiidferneamde toanielskriuwer William Shakespeare ta hearde. It waard oprjochte yn 1594, ûnder it patronaat fan Henry Carey baron Hunsdon, dy't doedestiden de Lord Chamberlain (oftewol keamerhear) oan it hof fan keninginne Elizabeth I wie (dêrfandinne de namme). Nei't Hunsdon op 23 july 1596 kaam te ferstjerren, giene de Lord Chamberlain's Men oer nei it patronaat fan syn soan, George Carey baron Hunsdon, nei wa't se acht moanne lang de namme fan Lord Hunsdon's Men droegen, oant hy op 17 maart 1597 ta syn heite opfolger beneamd waard as Lord Chamberlain, en it selskip syn âlde namme weromkrige.

Shakespeare skreau hast alle toanielstikken foar de Lord Chamberlain's Men, en de akteur Richard Burbage spile frijwol alle haadrollen, wêrûnder dy fan Hamlet, Otello, Kening Lear en Macbeth. Shakespeare sels wie ek wurksum as akteur, mar hy spile inkeld byrollen. Oan 'e ein fan 'e Elizabetaanske Tiid wiene de Lord Chamberlain's Men ien fan 'e beide meast foaroansteande toanielselskippen fan Londen wurden. Doe't nei de dea fan Elizabeth yn 1603 kening Jakobus I op 'e troan kaam, naam dy it patronaat oer, en krige it selskip sadwaande de namme fan de King's Men.

Boarnen, noaten en referinsjes[bewurkje seksje | edit source]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.

Wurken fan Shakespeare
Shakespeariaanske trageedzjes
Antonius en Kleopatra | Hamlet | Julius Caesar | Kening Lear | Koriolanus | Macbeth | Otello | Romeo en Julia | Symbelinus | Timon fan Atene | Titus Androanikus | Troilus en Kressida
Shakespeariaanske histoaryske stikken
1 Hindrik IV | 2 Hindrik IV | Hindrik V | 1 Hindrik VI | 2 Hindrik VI | 3 Hindrik VI | Hindrik VIII | Kening Jan | Richard II | Richard III
Shakespeariaanske komeedzjes
Ein Goed, Alles Goed | De Fekke Nuet | De Fleurige Wyfkes | Folle Spul om Neat | Kardenio (ferlern gien) | De Keapman fan Feneesje | In Komeedzje Fol Fersinnen | Leafde's Lêst Al Leanne (ferlern gien) | Leafde's Lêst Net Leanne | Lyk om Lyk | In Midsimmernachtdream |
Nei Jim Beleavjen | Perikles, Prins fan Tyrus | Symbelinus | De Stoarm | Trijekeningejûn | De Twa Aadlike Neven | De Twa Eallju fan Verona | It Winterjûnsteltsje
Shakespeariaanske poëzij
De Feniks en de Toartel | Fenus en Adoanis | De Hertstochtlike Pylger (foar in diel) | De Klaachsang fan in Minneresse | De Rôf fan Lukresia | Sonnetten
Shakespeariaanske apokrifa
gedichten: In Begraffenistreurdicht | De Hertstochtlike Pylger (foar in diel) | Oan de Keninginne | Sil Ik Stjerre | toanielstikken: Arden fan Faversham | De Berte fan Merlyn | Edmund Izerkant | Edwert III | De Ferlerne Soan fan Londen | De Fleurige Duvel fan Edmonton |
Hear Thomas Cromwell | John Oldcastle | Lokrinus | Musedoarus | Oer-Hamlet (ferlern gien) | De Puriteinske | Thomas More | Tomas fan Woodstock | In Trageedzje yn Yorkshire | Tsjeppe Em, de Moolnersdochter fan Manchester | De Twadde Trageedzje fan de Faam
Oare ûnderwerpen oangeande Shakespeare
Mary Arden | Double Falsehood | First Folio | Fryske Shakespeare Stifting | Anne Hathaway | Teatse Eeltsje Holtrop | Douwe Kalma | King's Men | Lord Chamberlain's Men | Hamnet Shakespeare | John Shakespeare | Judith Shakespeare | Susanna Shakespeare | Shakespeare in Love |
Shakespeariaansk auteurskipsdebat | Stationers' Register | Stratford-upon-Avon | Tryater