Leech-Kalifornje (skiereilân)

Ut Wikipedy
Gean nei: navigaasje, sykje
Leech-Kalifornje (read), krite fan Meksiko (grien)

Leech-Kalifornje (Spaansk: Baja California) is in grut skiereilân oan de westkust fan it kontinint Noard-Amearika. It heart oan Meksiko.

It skiereilân, dat foar it grutste part woastyn is, leit oan de westkant fan Meksiko en besuden de Amerikaanske steat Kalifornje. It is sa'n 1250 kilometer lang en foarmet sadwaande in grutte seeynholte, de Golf fan Kalifornje of See fan Cortés (Mar de Cortés), fermeamd nei Hernán Cortés. [1] De rivier de Kolorado komt yn it noarden fan dy see út. Kalifornyske grize walfisken wurde yn de see berne.

Yn de tiid dat hiel Amearika noch net ûntdutsen wie, waard in skoft tocht dat Leech Kalifornje in eilân wie.

Op it skiereilân lizze twa fan de 31 (diel)steaten fan Meksiko. Oant 1974 wie dat ien steat, Baja California neamd. It sudlik part (alles besuden de 28e breedtegraad) waard sa de 31e dielsteat fan Meksiko en krige de namme Baja California Sur (Súdlik Leech-Kalifornje). It noardlik diel feroare net fan namme. Oarspronklik, foar de Meksikaansk-Amerikaanske Oarloch besloech Leech-Kalifornje ek it fierste suden fan de tsjintwurdige Amerikaanske steat Kalifornje, nammentlik de krite om San Diego hinne. De FS easken dat nei de kriich op, omdat sy de natuerlike haven fan San Diego foar in marinebasis brûke woene. Oant de dei fan hjoed hat San Diego in wichtige Amerikaanske marinebasis.

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. nl: 'De earste namme wurdt it meast brûkt, mar in protte Meksikanen hawwe de lêste leaver.'