Lakota

Ut Wikipedy
Gean nei: navigaasje, sykje
Lakota portretten

De Lakota of Titonwan (Teton) is de namme fan in ynhiemsk Amerikaansk folk dat har yn de twadde helte fan de 17e ieu ôfsplist hát fan it memmefolk, de Dakota Yndianen (Isanty) út Minnesota, en libbe yn it bosk- en wetterrike mid-easten fan it Noard-Amearikaanske kontinint. De Dakota, hokker namme 'alliearden' betsjut, wienen fiskers, jagers en boeren, dy't healwei de 17e ieu foar it earst yn kontakt kamen mei de Jeropeeske kolonisten en ûntdekkingsreizgers.

De Lakota meitsje, mei de Nakota en Dakota, ûnderdiel út fan de grutte Siouan-taalfamylje. Oare besibbe folken dy't by deselde taalfamylje heare binne: Mandan, Absaroke (Krow), Sahnish (Arikaree), Ho-Chunk (Winnebago), Niukonska (Osage), Ponka, ensfh.

Mei de Nakota en de Dakota foarmen de Lakota in polityk-religieuze ienheid: it Folk fan de Sân Riedsfjoeren (Osety Sakowin, sprek út: Oh-SJEE-tie-SJAW-ko-wien). De Lakota foarme de meast westlike divyzje fan de Sân Riedsfjoeren. Eltse divyzje bestie út meardere subdivyzjes. Troch de kolonisten waard it Folk fan de Sân Riedsfjoeren Siouks genoemd, in Frânsk/Amerikaanske ferbastering fan de (leechachtsjende) beneaming dy't harren tradysjonele fijannen, de Ojibwech, har joegen: Nadowessiwexh, oftewol 'Lyts fan stik lykas njirren'. De Oceti Sakowin libje yn Súd-Dakota, Minnesota, Nebraska, Montana, North Dakota, Iowa, en, yn Kanada: Alberta, Saskatchewan en Manitoba.

Sjoch ek[bewurkje seksje | edit source]

Keppeling om utens[bewurkje seksje | edit source]