L'Anse aux Meadows

Neiboude Wytsingdelsetting yn L'Anse aux Meadows

L'Anse aux Meadows is in Wytsingdelsetting, op de noardlikste tip fan Newfoundland. De site waard ûntdekt yn 1960 troch it echtpear Helge en Anne Stine Ingstadt. Der leinen minstens 8 gebouwen, wêrûnder in smeierij.

De delsetting komt nei alle gedachten út de iere 11e ieu. De measte skiedkundigen geane derfan út dat L'Anse aux Meadows de koloanje yn Vinlân is dy’t neffens de saga troch Leif Eriksson stiften wie, mar oaren betwifelje dit en miene faak dat Leifs koloanje mear súdlik lein hawwe moat.

Yn 1978 waard L'Anse aux Meadows troch de UNESCO op de wrâlderfgoedlist setten. Twa sekuer neiboude Wytsinggebouwen foarmje hjoeddeis in toeristyske attraksje.

Boarnen, noaten en referinsjes

Boarnen, noaten en/as referinsjes:

Advisory Body Evaluation: L'Anse aux Meadows

Commons

Ofbylden dy't by dit ûnderwerp hearre, binne te finen yn de kategory L'Anse aux Meadows fan Wikimedia Commons.