Kwartetspul

Ut Wikipedy
Gean nei: navigaasje, sykje
Meppel-kwartet.

It Kwartetspul is in kaartspul dêr't by besocht wurdt kwartetten te foarmjen - groepen fan fjouwer kaarten dy't byelkoar hearre.

Skiednis[bewurkje seksje | edit source]

It spul is in fariaasje op Fiskje, wat oarspronklik mei gewoane spylkaarten spile waard. Foar de Wrâldtentoanstelling fan 1851 waard troch John Jaques yn London it earste kwartetspul útjûn, ûnder de namme Happy Families, mei alve kwartetten spesjale kwartetkaarten. Wat oars wie by dit nije spul wie dat der, om groepen te foarmjen, nei spesifike kaarten frege wurde moast, dêr't by Fiskje frege wurdt nei alle kaarten fan in groep.

Tema's[bewurkje seksje | edit source]

Sûnt it earste spul hawwe der ferzjes west met acht oant tweintich kwartetten. Ornaris hawwe dy kaarten en kwartetten in spesjaal tema. Sa binne der bygelyks kwartetten fan stêden, dêr't alle kwartetten wiken fan de stêd binne. Oare tema's dy't faak brûkt wurde binne: bisten, planten, ferfier en lannen.

In Frysk kwartetspul mei as tema it libben fan Fryske greidboeren waard yn 1939 útjûn troch "De Blauwe Seilbokse". De teksten wiene fan Douwe Hermans Kiestra en de foto's fan Johannes Doedes de Jong. It waard sa'n súkses dat nei de earste 23.000 eksimplaren der yn 1958 in twadde printinge kaam.

Sjoch ek[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  • Brouwer, J.H., J.J. Kalma, W. Kok, en M. Wiegersma, red. - Encyclopedie van Friesland, (Amsterdam: Elsevier, 1958) : Kwartetspel