Kumbrysk

Ut Wikipedy

Kumbrysk wie de Britsk-Keltyske taal dy't yn Cumbrië sprutsen waard, in krite dy't oerienkomt mei Noard-Ingelân en Súd-Skotlân. De taal stoar út yn de 12e iuw. Oerbliuwsels fan it Kumbrysk yn dy kriten binne hjoeddedei seldsum. Kumbrysk hjitte ek wol Noard-Welsk en it Kornysk wolris súd-Welsk.

Wy witte net folle oer de taal. Der binne wat plaknammen yn Latynske teksten weromfûn, mar fierders is de taal frijwat tsjuster. It Kumbrysk hie spoaren fan it Piktysk, en – safolle net - fan it Kornysk. Yn de rin fan de tiid soene ek wurden út it Gaelysk yn de taal trochkrongen wêze.

Yn it generaal wurdt tocht dat it útelkoar fallen fan de âlde Britske taal yn ferskate dialekten yn de 5e iuw begûn is. It Kornysk sil sa wierskynlik hieltyd mear útelkoar rekke wêze fan de Welske grammatika en him ûntjûn hawwe ta in min ofte mear selsstannige taal.

It kin ek wêze dat dizze taal gewoan in dialekt fan it Welsk west hat. Wissichheid dêroer is der net, mar in protte saakkundigen tinke dat de taal op it stuit fan útstjerren genôch fan it Welsk ferskilde om as in aparte taal te jilden.

Der binne mar sa'n fyftich wurden yn it Kumbrysk dy't etymologysk yn ferbân brocht wurde kinne mei in wurd út in oare taal, sadwaande is der mar in bytsje ynformaasje oer it Kumbrysk ta foldwaan.

Telle yn it Kumbrysk[bewurkje seksje | boarne bewurkje]

Getal Kumbrysk Welsk
1 yan un
2 tan dau
3 tethera tri
4 methera pedwar
5 pimp pump
6 sethera chwech
7 lethera saith
8 hivera wyth
9 dovera nau
10 dick deg