Kremlyn fan Moskou

Ut Wikipedy
Gean nei: navigaasje, sykje

It Kremlyn fan Moskou (Russysk: Московский Кремль, Moskovski Kreml) is it geografyske en histoaryske sintrum fan de Russyske haadstêd Moskou. De namme Kremlyn is ôflaat fan it Russyske wurd кремль (kreml), wat as sitadel oerset wurde kin. Yn it politike ramt slacht it begryp Kremlyn ornaris op it Kremlyn fan Moskou, mar der binne mear stêden yn Ruslân mei in Kremlyn.

It Kremlyn fan Moskou leit oan it Reade Plein, op 'e lofteroever fan de rivier de Moskwa. It is de regearingssit fan Ruslân, eartiids de Sowjetuny.

Nijsgjirrige bouwurken yn en om it Kremlyn hinne binne de Basiliuskatedraal, Kristus-Ferlosserkatedraal en it Mausoleum fan Lenin.