Kollumerpomp

Kollumerpomp


Flagge	Wapen

Gemeente

Kollumerlân

Ynwennertal (2007)

448

Webstee

Webstee Kollumerpomp

Kollumerpomp ek wol koartwei De Pomp neamd is ien fan de 12 doarpen yn de gemeente Kollumerlân.

Kollumerpomp is in streekdoarp oan de om 1315 hinne oanleine âlde dyk dy't yn 1529 in slieperdyk waard doe't om it Nijkrúslân in nije dyk oanlein waard. Dêrnei is der bebouwing kaam yn de buert fan de yn de 15e ieu oanleine dûker yn' e dyk (de pomp). Kollumerpomp hat hiel lang in buorskip west fan Kollum, mar hat tsjintwurdich de status fan doarp. De bebouwing ûnstie yn it begjin benammen oan de súdkant fan de dyk, mar nei de oarloch wreide it doarp him benammen oan de noardkant fan de dyk út.It Pompster Ryd rint troch it doarp.

[bewurkje seksje] Gebouwen

Yn 1906 waard yn it doarp in toerleaze Grifformearde tsjerke setten.
Yn 1984 stifte Frans Lucassen de 'Russysk Ortodokse Tsjerke fan de hillige Panteleimon'. De kapel is yn omboude skuorre (de tsjinsten binne yn it Nederlânsk en somtiden yn it Frysk).
Op de Nije- of Bûtendyk stiet it saneamde kontribúsjehûske dat it wetterskip Seediken Kontribúsje Kollumerlân en Nijkrúslân dêr yn 1828 bouwe liet. It waard brûkt as stoarmwachtershûske en foar it hâlden fan gearkomsten.
It doarp hat ek in út 1845 stammende wettermûne, de Westermûne.

Krekt boppe Kollumerpomp leit it rekreaasjegebiet Kollumeroard.

[bewurkje seksje] Taal

Yn De Pomp wurdt in Nedersaksysk Grinslanner dialekt sprutsen dat in soad Fryske ynfloeden hat. It Pompstersk wurdt noch sprutsen troch in 200 minsken en wurdt sterk mei útstjerren bedrige.