Koaran

Ut Wikipedy
Gean nei: navigaasje, sykje
De Koaran.

De Koaran is it hillige skrift fan de Islam. Neffens de moslims is de Koaran in reeks iepenbierings fan de islamityske God (Allah) oan syn profeet Mohammed.

Arabyske Ryk[bewurkje seksje | edit source]

Neffens de tradysje is de Koaran net skreaun troch Mohammed, mar waarden de iepenbierings oarspronklik trochferteld. Aboe Bakr, earste kalyf fan it Arabyske Ryk, soe de lear delskreaun litten hawwe. Op basis fan dy tekst waard yn opdracht fan Oethman, de tredde kalyf, de definitive tekst fêststeld.

Yndieling[bewurkje seksje | edit source]

De Koaran hat 114 "soeras" (haadstikken). In soera bestiet út ferskate ferzen (ayat of aya). De soera's binne ornaris oardene fan grut nei lyts en dus net neffens de gronologyske folchoarder. De langste soera yn de Koaran hat 286 fersen, de koartste hat der 3. De teksten yn de Koaran binne yndield neffens de namme fan de soera, folge troch it nûmer fan de aya.

Sibskip Bibel en Koaran[bewurkje seksje | edit source]

Neffens de Koaran leauwe de kristenen en joaden ek yn de 'echte' God. Der binne stikken tekst yn de Koaran dy't ferwize nei saken en minsken út de Bibel. Foarbylden fan persoanen út de Bibel dy't neamd wurde yn de Koaran binne Abraham, Noah en Jezus Kristus. Dy trije religy's meiïnoar wurde ek wol it Abramitysk leauwen neamd fanwege de oerienkomsten en de ôfstamming fan Abraham. Der binne lykwols wichtige ferskillen tusken de Bibel en Koaran as it oer it fertellen fan lyksoartige ferhalen giet.

Keppeling om utens[bewurkje seksje | edit source]