Kazantsjerke (Irkûtsk)

Ut Wikipedy
Kazantsjerke

Казанская церковь

Lokaasje
lân flagge fan Ruslân Ruslân
oblast Irkûtsk
plak Irkûtsk
koördinaten 52° 17' N 104° 19' E
Arsjitektuer
arsjitekt Heinrich Leopold von Rosen (mooglik)
boujier 1885-1892
boustyl Neobyzantynske arsjitektuer
monumintale status Monumint fan regionaal belang
monumintnûmer 3800093000
Kaart
Kazantsjerke (Ruslân)
Kazantsjerke

De Tsjerke fan Us Leaffrou fan Kazan (Russysk: Церковь Иконы Божией Матери Казанская; Kazanskaja tsjerkov) is in tsjerke fan it otterdokse bisdom Irkûtsk yn 'e Sibearyske stêd Irkûtsk, Ruslân. De tsjerke leit bûten it histoaryske sintrum fan 'e stêd yn in arbeidersbuert oan 'e noardlike kant fan 'e rivier Usjakovka.

Skiednis[bewurkje seksje | boarne bewurkje]

Ynterieur.

Mei de bou fan de tsjerke waard op 27 july 1885 útein set, en it gebou kaam yn 1892 ree. It godshûs soe ynearsten oan Nikolaas fan Myra wijd wurde, mar letter waar besletten de tsjerke te wijden oan it Ikoan fan Us Leaffrou fan Kazan. De tsjerke waard yn de russysk-byzantynske styl boud, in populêre boustyl yn it Ruslân fan de 19e iuw.

Nei de Oktoberrevolúsje bleau de tsjerke noch 18 jier iepen, mar yn 1936 waard de tsjerke krektlyk as oare Russyske tsjerken sletten foar de earetsjinst. De tsjerke waard brûkt as pakhûs en krige in bedriuwsbestimming en waard foar dat doel fan binnen feroare.

Yn 1988 namen de lokale autoriteiten it beslút om de tsjerke te renovearjen. De restaurearre tsjerke waard yn 1994 oan 'e Russysk-Otterdokse Tsjerke werom jûn.[1][2]

Boarnen, noaten en referinsjes[boarne bewurkje]

Boarnen, noaten en/as referinsjes: