Kataloanje

Ut Wikipedy

**Kataloanje**
Flagge	Wapen


Lokaasje yn Spanje

Algemien
Haadstêd	Barselona
Oerflakte	32.114
Befolking	7.083.000
Befolkingstichtens	218,73
Oare ynformaasje
Heechste punt
Provinsjes	Barcelona, Gerona, Lerida, Tarragona

Kataloanje (Katalaansk: Catalunya, Spaansk: Cataluña) is ien fan de 17 Spaanske regio's. Kataloanje leit yn it noardeasten fan Spanje oan de kust fan de Middellânske See. De kust bestiet út de Costa Brava, Costa del Maresme, Costa del Garraf en de Costa Dorada. De regio grinzet yn it suden oan de regio Valencia, yn it westen oan Arragon en yn noarden oan Frankryk. De haadstêd en grutste stêd fan Kataloanje is Barselona.

[bewurkje seksje] Bestjoerlike yndieling

Kataloanje bestiet út fjouwer provinsjes:

Provinsje	Ynwennertal	Haadstêd	Ynwennertal
Barselona	5.270.958	Barselona	1.593.485
Gerona	675.455	Gerona	86.672
Lerida	399.439	Lerida<br	124.709
Tarragona	704.907	Tarragona	128.152
Totaal	6.995.206

[bewurkje seksje] Klimaat

Kataloanje beskikt oer in mediterraan klimaat mei sêfte winters en waarme simmers. Fierder it lân yn wurde de winters troch de fermindere ynfloed fan de seewyn kâlder en simmers hjitter. De Katalaanske Pyreneeën dy't sawat 3,5 kilometer heech binne, hawwe in berchklimaat. Ek yn de berchdalen oan de foet fan de Pyreneeën, sa as yn Tremp, kin it winters goed kâld wurde. Op de hege Pyreneeën falt yn de winter in soad snie dat sels simmerdei lizzen bliuwt. It noflike klimaat oan de kust en de kâlde winters yn de bergen ticht by Barselona, lûke sawol simmers as winters in soad toeristen.

[bewurkje seksje] Nijsgjirrichheden

It kleaster Santa María de Poblet, yn Poblet (provinsje Tarragona
De Romaanskse tsjerken yn de fallei "Vall de Boí", yn de provinsje Lerida
It argeologyske ensemble fan Tarraco yn Tarragona
Palau de la Música Catalana konsertgebou yn Barcelona
Hospital de Sant Pau, sikehûs yn Barcelona
Sagrada Familia fan Antoni Gaudi yn Barselona
Park Güell fan Antoni Gaudi yn Barselona
Palau Güell fan Antoni Gaudi yn Barselona
Casa Milà fan Antoni Gaudi yn Barcelona

[bewurkje seksje] Natuer

Kataloanje hat in tige ôfwikseljend lânskip, dat bestiet út bergen, , rotskusten, 'grutte fjilden en rivierdelta's, dêr't de Ebrodelta de wichtigste fan is.