Karel Dujardin

Ut Wikipedy
Gean nei: navigaasje, sykje
'Karel Dujardin selsportret 1662.
Frou dý't in reade ko melkt (± 1650)

Karel Dujardin (Amsterdam, 1626 - Feneetsje, 20 novimber 1678), wie in Nederlânsk keunstskilder. Hy is bekend fan syn Italjanisearjende lânskippen, mar it is net wis at er ea yn Itaalje west hat.

It is ek net bekend wa't syn learmaster(s) west hawwe, mar Nicolaes Berchem en Paulus Potter binne neamd wurden. Om 1650 hinne gie er nei Lyon. Dêr ûnstiene grutte skulden, dat hy troude mei syn folle âldere hospita om troch de tiid te kommen. Hy naam har mei werom nei Amsterdam dêr't syn tekeningen tige wurdearre waarden. Dujardin arbeide yn ferskillende sjenres. Neist pastorale lânskippen makke er ek portretten en histoarjestikken. Syn portret fan Michiel de Ruyter is ferneamd wurden; hja hawwe elkoar ferskate kearen moete.

Yn 1675 ferfarre er nei Itaalje, útnoege troch syn freon Joan Renst foar in Grand Tour, dêr't er by de Bentvueghels yn Rome gie. Se hiene in soad bewûndering foar syn wurk. Syn (by)namme yn dat fermidden waard Barba di Becco, of Bokkeburd.

Dujardin's wurk[bewurkje seksje | edit source]

Wikimedia Commons Dit materiaal is beskikber by Wikimedia Commons as Karel Dujardin en wurdt mooglik ek brûkt by oare Wiky-projekten.