Joop Doderer

Ut Wikipedy
Gean nei: navigaasje, sykje
Joop Doderer (1973)
Joop Doderer yn syn rol fan Swiebertje

Johan Heinrich (Joop) Doderer (Felsen, 28 augustus 1921 - Roelofarendsfean, 22 septimber 2005) wie in Nederlânsk akteur dy't ferneamd waard as de swalker Swiebertje yn de televyzjerige mei deselde namme dy't tweintich jier lang troch de NCRV útstjoerd waard.

Wurkpaad[bewurkje seksje | edit source]

Doderer waard berne yn in remonstrantske hûshâlding as soan fan in skoalmaster. Hy gie nei de HBS yn Amsterdam, krige toaniellessen fan Johan Schmidtz en sakke dêrnei foar it talittingseksamen foar de Amsterdamske Toanielskoalle. De legindaryske Cor van der Lugt Melsert naam Doderer oan as foluntêr by it Nederlânsk Toaniel, dêr't er debutearre yn Warenar. Om troch de tiid te kommen wurke Doderer deis as molkrider, roan er mei kranten en wie er oan't wurk by de PTT. Doderer syn earste wiere rol wie yn oktober 1941 yn de film Madame Bovary (apotekersassistint Justin). Tsien dagen foar de premiêre moast er yn't plak fan Fons Rademakers, dy't kielûntstekking skipe hie, spylje. Yn 1942 wegere Doderer him te melden by de Kultuerkeamer. Hy dûkte ûnder yn Stompetoren, sadat it earst dien wie mei de toanielkarriêre.

Nei de oarloch spile Doderer in soad yn kluchten en die er mei oan radioprogramma's. Hy waard ûntdutsen troch Wim Sonneveld yn 1953. Doderer wie jierrenlang by Sonneveld syn kabaret en waard fan 1958 ôf yn it hiele lân bekend. Dêr krige er ek kunde oan syn frou Conny Stuart. Harren houlik soe mar in pear jier duorje. Syn twadde houlik hat Doderer in dochter (Sandra) oan oerhâlden. Mei 52 jier troude Doderer treddens, no mei in famke fan 21, Esther de Jong. Mei har krige er twa bern (David en Barbara)

Swiebertje[bewurkje seksje | edit source]

Fan 1955 oant 1975 wie Doderer op televyzje te sjen as Swiebertje. De earste ôflevering wie op 20 april 1955, en de lêste op 25 april 1975 (Swiebertje ferfarde nei Kanada). Yn 2001 joegen de Nederlânske televyzjesjoggers de NCRV-searje de Signaal-priis foar it bêste televyzjeprogramma yn 50 jier. Fan 2002 ôf waard Swiebertje op fideo en dvd útbrocht. By it oan fan de earst dvd-box yn 2003 ûntbleate Doderer in boarstbyld fan Swiebertje yn Oudewater; it wie in geskink fan de NCRV en de Bridge Entertainment Group, dy't de dvd's útbrocht. Doderer en syn freon en menedzjer Henk Bos krigen doe beide in kopy fan it byld.

De rol fan Swiebertje drige Doderer oermânsk te wurden (it saneamde Swiebertje-effekt), mar Doderer die mei oan tsientallen radio- en televyzjeprogramma's en teaterfoarstellingen sa as My Fair Lady (as Alfred Doolittle), en spile yn Nederlânske en Ingesktalige films. Benammen tusken 1975 en 1979 wie er warber yn it Feriene Keninkryk. Oan de ein fan syn karriêre spile er noch in tal earnstige rollen, ûnder oaren by It Súdlik Toaniel, ûnder de Flaamske regisseur Ivo Van Hove.

Doderer stoar oan hertfalen yn in ferpleechhûs yn Roelofarendsveen. Op 29 septimber 2005 waard er bedobbe op it Amsterdamske begraafplak Zorgvlied.

Joop Doderer wie sûnt 1982 Ridder yn de Oarder fan Oranje-Nassau.

Filmografie[bewurkje seksje | edit source]

It grêf fan Joop Doderer
Búste yn Oudewater
  • Het wonderlijke leven van Willem Parel (1955) - De Grinzer
  • De driestuiversopera (Televyzjefilm, 1960) - Mackie Messer
  • Op de Hollandse toer (1973) - Bussjauffeur
  • Swiebertje Televyzjerige - Swiebertje (103 ôfl., plus 4 TV-spullen, 1955-1975)
  • Hadleigh Tv-rige - Ivan Grootman (Ofl., Hong Kong Rock, 1976)
  • De wonderbaarlijke avonturen van professor Vreemdeling Tv-rige - Professor Vladimir Vreemdeling (1977)
  • Uit elkaar (1979) - Sakeman
  • The Human Factor (1979) - Cornelius Muller
  • Dagboek van een herdershond Tv-rige - Notaris Persoon (Earste searje, ôfl. 3,4 en 8, 1978-1980)
  • Laat de dokter maar schuiven (1980) - Pastoar
  • De ware Jakob (Klucht, 1983) - Jakob
  • Moord in extase (1984) - Resjersjeur Jurriaan de Cock
  • Lief zijn voor elkaar (klucht, 1984) - Konsjerzje
  • De Prooi (1985) - Wim Gerritsen
  • De kip en het ei (1985) - Sjef Ab
  • Drie is teveel (klucht, 1988) - Driekus/Butler Drie Uilebal
  • Wilde harten (1989) - Ormas
  • Een fijn span (klucht 1989) - Butler Engelbert/advokaat
  • Tatort Tv-rige - Rol ûnbekend (Ofl., Medizinmänner, 1990)
  • Laat je niet kisten (Tv-film, 1990) - Rol ûnbekend
  • De Sylvia Millecam Show Tv-rige - Leo Bouwman (Ofl., Een dag om nooit te vergeten, 1995)
  • Hoogste tijd (1995) - Pierre de Vries
  • Joop en Gaston Tv-rige - Joop (1995-1996)
  • 't Zal je gebeuren... Tv-rige - Simon (Ofl., Het zijn maar spullen, 1998)
  • De keerzijde Tv-rige - Pake (Ofl., Nooit nee, 1998)
  • Thuisfront (Tv-film, 1998) - Leo
  • De kapsalon (Tv-film, 1999) - Menhear Oudhof
  • Kruimeltje (1999) - Koster
  • Viva Boer Gerrit (Tv-film, 2000) - Rol ûnbekend
  • Dial 9 for Love (2001) - Hendrik
  • Dok 12 Tv-rige - Pake Bombi (Ofl., Dood Duits meisje, 2001)
  • De vriendschap (2001) - Professor Rijckevorsel
  • Pietje Bell (2002) - Ald man #1

Keppelings om utens[bewurkje seksje | edit source]