Johan Joeke Gabriël van Wicheren

Jan Joeke Gabriël van Wicheren

Johan Joeke Gabriël (Jan) van Wicheren (Ljouwert, 29 maart 1808 - Ljouwert, 8 oktober 1897) wie in Ljouwerter (portret)skilder.

Libben

Van Wicheren waard berne as achtste bern fan Pieter van Wicheren, kassier en effektehanneler en Amarentia Huijs. Learling fan Willem Bartel van der Kooi en Otto de Boer. Wie net troud en wurke yn Grins (1829-1838); wie dêr ien fan earste learmasters fan Jozef Israëls. Yn 1838 fêstige er him wer yn Ljouwert en dêr is er ek stoarn.

Wurk

Portretten fan Kening Willem I, Kening Willem II en Kening Willem III hingje yn it stedhûs fan Ljouwert, sjoch hjir [1]. Sels waard er ± 1828 portretearre troch Gosling Posthumus (1800-1832).

Boarnen, noaten en referinsjes

Boarnen, noaten en/as referinsjes:

J.H. Brouwer en oaren (red.), Encyclopedie van Friesland, Amsterdam: Elsevier 1958, Wicheren, Jan Joeke Gabriël van.