Johan II fan East-Fryslân

Ut Wikipedy
Gean nei: navigaasje, sykje

Johan II fan East-Fryslân (Aurich, 29 septimber 1538 - Stickhausen, 29 septimber 1591) wie de jongste soan fan Enno II fan East-Fryslân en Anna fan Aldenboarch. Meidat syn mem yn 1558 de primogenituer ôfskaft hie, waard hy mei-greve fan East-Fryslân.

By it houlik fan syn broer Edzard mei Katarina fan Sweden yn 1559 wie hy meireizge nei Stockholm en hie in affêre mei de suster fan de breid, Cecilia. Dit soe him min foldwaan, want hy waard dêrfoar ta de dea feroardield. It wie mar troch de tuskenkomst fan kening Elisabeth I fan Ingelân, dat it fûnnis net útfierd waard. Johan soe dêrnei de rest fan syn libben frijfeint bliuwe. Nei de dea fan harren broer Christoffel gie de machtsstriid tusken de twa oerbliuwende broers troch. De striid late ta in feitlike twadieling fan it greefskip, temear omdat Edzard lutersk wie, en Johan, krektas syn mem, oanhinger wie fan it kalvinisme. Nei de dea fan Johan yn 1591, doe't Edzard allinnich hearske, blykte it gesach fan de greven fan East-Fryslân ferswakke.