Jetske Bilker
Jetske Bilker (* 16 april 1960, Seisbierrum) is in Fryske skriuwster.
Ynhâld |
[bewurkje seksje] Libben en wurk
Jetske Bilker is 16 april 1960 berne yn Seisbierrum. Fan har sechsde jier ôf is se opgroeid yn Dimter en se folge dêr ek de HAVO. Yn 1977 folge se yn Almelo de kristlike Pedagogyske Akademy. Yn jannewaris 1982 ferhuze se nei Ljouwert en helle it twaddegraadsfoech Frysk oan de Noardlike Leargongen. Yn 1986 begûn se mei de stúdzje Algemiene Literatuerwittenskip yn Grins dêr't se yn 1990 ek hinne gong te wenjen.
Yn 1986 krige Bilker in opdracht om in Fryske roman te skriuwen. Dat waard Imitaasjelear dat yn 1988 by de Koperative Utjouwerij útkommen is. Yn 1990 krige se der de Fedde Schurerpriis foar. Yn 1989 kaam se yn de redaksje fan it tydskrift 'Trotwaer' en waard letter einredakteur oant 1995.
Yntusken wenne se yn Grins en studearre ôf yn 1992. Dernei folgen tydlike banen, lykas by it Frysk ynstitút fan de RUG, by it NLMD yn De Haach. Nei tsien jier les jûn te hawwen yn de fakken Frysk en Nederlânsk oan de CSG Comenius yn Ljouwert, keas se yn 2006 folslein foar de literatuer.
Yn 1997 kaam by Utjouwerij Bornmeer de ferhalebundel ''In nacht fan hûs'' út, mei ferhalen oer eigentiidske tema's as relaasjeproblematyk.
Yn 2004 fersoarge Bilker it boekewikepresint dat de titel Oar plak oare tiid meikrige. Yn datselde jier folge de Nederlânske oersetting by útjouwerij Prometeus yn Amsterdam: Andere plaats, andere tijd Fan febrewaris 2003 oant july 2005 siet se yn 'e redaksje fan it Frysk ynternettiidskrift Farsk, tegearre mei Marc Kooij, Elske Schotanus en einredakteur Abe de Vries. Se fersoarge it proaza en skreau kritiken.
Fan 2006 oant 2011 wie se fêste kritikus foar de Ljouwerter Krante foar it Frysk proaza. Yn oktober 2011 folge Doeke Sijens har op as kritikus.
Yn juny 2007 ferskynde it earste part fan de Harry Potterrige yn it Frysk yn in oersetting fan har hân. Op dit stuit wurket Bilker oan de roman In goede Fries is altyd ferkâlden.
[bewurkje seksje] Bibliografy
[bewurkje seksje] Romans
- 1988 - Imitaasjelear
- 2004 - Oar plak oare tiid
[bewurkje seksje] Ferhalebondel
- 1997 - In nacht fan hûs
[bewurkje seksje] Ferskaat
- 2000 - Koartwei (ferhalebondel, mei oaren)
- 2001 - Listen fan goaden en bisten (fiif fabels, mei oaren)
- 2006 - De 100 mooiste Friese gedichten (blomlêzing Fryske poëzij, mei Babs Gezelle Meerburg)
- 2009 - Fan Duveldrek nei Hoarnestreek (mei oaren)
[bewurkje seksje] Oersettings
- 1995 - De Kameleon fernimt ûnrie. (út it Hollânsk nei H. de Roos)
- 1995 - Op reis mei de Kameleon. (út it Hollânsk nei H. de Roos)
- 1998 - Kameleon yn ’e brâning. (út it Hollânsk nei H. de Roos)
- 1999 - Goede feart, Kameleon. (út it Hollânsk nei H. de Roos)
- 2000 - Folksferhalen: fan Europeeske minderheidsfolken (út it Ingelsk nei Wolfgang Greller)
- 2004 - De Kameleon stekt fan wâl. (út it Hollânsk nei H. de Roos)
- 2004 - Andere plaats andere tijd (oersetting fan Oar plak, oare tiid, troch Jantsje Post)
- 2006 - De skippers fan de Kameleon. (út it Hollânsk nei H. de Roos)
- 2007 - Harry Potter en de stien fan 'e wizen (út it Ingelsk Harry Potter and the Philosopher's Stone, J. K. Rowling)
- 2007 - De Kameleon fynt de skat. (út it Hollânsk nei H. de Roos)
[bewurkje seksje] Berneboek
- 2010 - Sjouke en Kevin (studio F: taalmetoade Frysk)
