J.J. Voskuil

Ut Wikipedy
(Trochwiisd fan "J. J. Voskuil")
Gean nei: navigaasje, sykje
J.J. Voskuil

J.J. Voskuil, skriuwersnamme fan Johannes Jacobus (Han) Voskuil (Den Haach, 1 july 1926Amsterdam, 1 maaie 2008). Nederlânsk folkekundige en skriuwer fan romans en koarte sketsen.

Libben[bewurkje seksje | edit source]

Voskuil wie de âldste soan fan Klaas Voskuil (1895-1975), haadredakteur fan Het Vrije Volk, dy't fral bekend wurden is troch syn VARA-radiorubryk Socialistisch Commentaar. J.J. Voskuil is ferneamd nei syn pake Johannes Jacobus Voskuil, dy't bakker wie te Swol.

Nei syn stúdzje Nederlânsk oan de Gemeentlike Universiteit yn Amsterdam wurke Voskuil as oersetter by de EGKS yn Straatsburch en neifolgjend yn it seizoen 1955/56 as learaar oan in kweekskoalle yn de stêd Grins. Werom yn Amsterdam die er as studint-assistint mei oan in útjefte fan it wurk fan P.C. Hooft. Yn 1957 kaam er yn tsjinst by it Instituut voor Dialectologie, Volks- en Naamkunde, it tsjintwurdige Meertens Instituut.

Voskuil hat troud west mei Lousje Haspers. Beide wiene dierebeskermers. Yn 1997 rjochte Voskuil de dierewolwêzenorganisaasje Stichting Varkens in Nood op, stipe troch skriuwer Koos van Zomeren en oaren. In protte eleminten út it persoanlik libben fan Voskuil en syn frou binne beskreaun yn syn boeken, sa as it net ha wollen fan in auto, harren leafde foar katten, it wenjen oan de Lijnbaansgracht nr. 84-hs (1956-1969) en de Herengracht ( nr. 60 (1969-2008) yn Amsterdam en harren kuierfekânsjes yn Auvergne.

Nei in lange tiid fan siikwêzen hat Voskuil besletten ta in weardich, sels keazen ein. Hy is thus stoarn.

(Syn stjerdei, Dei fan de Arbeid, foel op Himelfeartsdei.)[1] Op 8 maaie 2008 kaam er te hôf op Oud Eik en Duinen yn Den Haach.

Bibliografy[bewurkje seksje | edit source]

In tige wiidweidige bibliografy, en fan de fersprate wittenskiplike en literêre publikaasjes fan J.J. Voskuil, is te finen yn Lam naast leeuw troch J. Heymans.

wittenskiplik wurk

  • 1956 - Het Nederlands van Hindoestaanse kinderen in Suriname
  • 1969 - Het ophangen van de nageboorte van het paard
  • 1979 - Van vlechtwerk tot baksteen. Geschiedenis van de wanden van het boerenhuis in Nederland
  • 1982 - Kohieren van de tiende penning van Overschie 1561 en Twisk 1561

bellettry

  • 1963 - Bij Nader Inzien
  • 1996 - Het Bureau deel 1: Meneer Beerta
  • 1996 - Het Bureau deel 2: Vuile handen
  • 1997 - Het Bureau deel 3: Plankton
  • 1998 - Het Bureau deel 4: Het A.P. Beerta-Instituut
  • 1998 - Dankwoord bij de aanvaarding van de Bordewijk-prijs (opnomd yn Tirade 373)
  • 1999 - Het Bureau deel 5: En ook weemoedigheid
  • 1999 - De moeder van Nicolien
  • 2000 - Het Bureau deel 6: Afgang
  • 2000 - Het Bureau deel 7: De dood van Maarten Koning
  • 2000 - Ingang tot Het Bureau
  • 2000 - Reisdagboek 1981
  • 2002 - Requiem voor een vriend
  • 2004 - Terloops, voettochten 1957-1973
  • 2005 - Buiten schot, voettochten 1974-1982
  • 2006 - Gaandeweg, voettochten 1983-1992
  • 2007 - Kladboek 1955-1956 (kar út Voskuils deiboek, opnaam yn Tirade 417)
  • 2007 - Onder andere, portretten en herinneringen
  • 2007 - Bestiarium (koarte sketsen)
  • 2007 - Alleen op de wereld (kaort ferhaal, yn Tirade 421)
  • 2008 - Mensenkinderen (toaniel, yn Tirade 424)
  • 2009 - Binnen de huid

oar wurk

  • 1963 - - Als ik groot ben (gedicht)
  • 1995 - Geert van Oorschot, Brieven van een uitgever (befettet ûnder oaren trije brieven oan J.J. Voskuil, foarôfgien troch syn neitins oan Van Oorschot)
  • 2005 - Hanny Michaelis, Een keuze uit haar gedichten door J.J. Voskuil (karlêzing, gearstald en ynlaad troch J.J. Voskuil)

Prizen[bewurkje seksje | edit source]

Het Bureau waard yn 2007 opnaam yn de list fan bêste Nederlânsktalige boeken fan alle tiden.

Keppelings om utens[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. NRC, 5 mei 2008