Ivan Sjisjkin

Ut Wikipedy
Gean nei: navigaasje, sykje
Ivan Sjisjkin. Portret troch Ivan Kramskoj.

Ivan Ivanovitsj Sjisjkin (Russysk: Иван Иванович Шишкин) (Jelaboega (Tatarstan), 13/25(*) jannewaris 1832 - 8/20(*) maart 1898) wie in Russysk lânskipsskilder. Hy hearde ta de groep fan de Swalkers.

Nei it gymnasium fan Kazan, studearre Sjisjkin earst oan de Moskouske skoalle foar skilderkeunst, byldhoukeunst en arsjitektuer. Nei fjouwer jier gie er fierder oan de Keizerlike Akademy fan de Keunsten yn Sint-Petersburch, dêr't er yn 1860 ôfstudearre, cum laude en mei in gouden medalje. Yn 1865 waard Sjisjkin beneamd ta lid fan de Akademy, en letter waard er professer fan 1873 oant 1898.

Sjisjkin hat in skoft yn Switserlân en Dútslân wenne, betelle fan in beurs fan de Akademy. Doe't er werom yn Ruslân kaam, sleat er him oan by de Swalkers. Sjisjkin is ferneamd wurden troch de romantyske boskgesichten, somtiids mei boartsjende jonge bearen, dy't er skildere hat.

(*)Noat: de earste datum is neffens de Juliaanske kalinder, dy't jilde oant de Oktoberrevolúsje fan 1917; de twadde datum is de datum sa't dy no wêze soe neffens de Gregoriaanske kalinder.

Ferskaat[bewurkje seksje | edit source]

It skilderij "Moarntiid yn it dinnebosk" is yn de Sowjet-Uny fral bekend wurden nei't it ôfbyld wie op de ferpakking fan in populêre sûkelarjefersnapering.

Utro v sosnovom lesu.jpg
Rozh.jpg
Shishkin DozVDubLesu 114.jpg
Moarntiid yn in dinnebosk In roggefjild Rein yn in ikenbosk
Wikimedia Commons Dit materiaal is beskikber by Wikimedia Commons as Ivan Shishkin en wurdt mooglik ek brûkt by oare Wiky-projekten.