Ida fan Bernicia

Ut Wikipedy
Gean nei: navigaasje, sykje
Optocht ôfbyld fan Ida yn John Speed's 1611 "Saxon Heptarchy"

Ida († ± 559) is de earst bekende kening fan it Angelske keninkryk Bernicia; hy regaerre fan om 547 hinne oant syn dea yn 559. Der is net folle bekend oer syn libben of regear, mat hy wurdt besjoen as de stifter fan in laach dêr't lettere Angel-Saksyske keningen fan Noard-Ingelân en Súd-Skotlân fan sizze dat sy der fan ôfstamme. Syn neiteam befjochte mei súkses it Britske ferset en fêstige letter it machtige keninkryk Northumbria.

Doe't Ida it bewâld fierde, wie de ynfloed fan Bernicia meast beheind ta de kriten oan de kust.[1] Earst yn de tiid fan Æthelfrith, Ida's pakesizzer, wreide it keninkryk him frijwat út nei it westen ta. Dit wurdt befestige troch Historia Brittonum's beskriuwing fan de fjochterij tusken de Bernisianen en de lânseigen Britten yn de kontrei, dy't trochgienen harren te fersetten, en guon argeologyske ûndersiken mear it binnenlân yn.[1]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. 1,0 1,1 Fletcher, s. 25.
  • Ingelsktalige Wikipedy:Ida of Bernicia