Helgolânske Bocht

Ut Wikipedy
Gean nei: navigaasje, sykje
In satellytfoto fan de Helgolânske Bocht.

De Helgolânske Bocht is in bocht yn de Noardsee. It is it súdeastlike part fan de Dútske Bocht. It djipste punt leit yn it Helgolânske Bekken, fuortendaliks besúdwesten Helgolân. Hjir is de Helgolânske Bocht 56 meter djip.

Gebiet[bewurkje seksje | edit source]

De Helgolânske Bocht rint fan Helgolân yn it noardwesten nei it Eastfryske Waadeilân Wangereach. Yn it súdeasten is de mûning fan de Elbe de grins. It Noardfryske skiereilân Ääderstää foarmet yn it noardeasten de grins.

Troch de bocht rint ien fan de drokste skipfeartrûtes fan de wrâld. De boaten farre nei de grutte havenstêd Hamburch ta.

In grut part fan it gebiet leit yn natuergebieten. Under oaren in part fan it Waadgebiet, de Helgoländer Felssockel, it Nationale park Schleswig-Holsteiniches Wattenmeer (yn it easten), Hamburgische Wattenmeer (súdeasten) en it gebiet Niedersächsisches Wattenmeer (suden).

It eastlike part fan it gebiet wurdt ek wol de ´Meldorfer Bocht´ neamd, nei it plakje Meldorf yn Dútslân.