Goudeachje

goudeachje
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift goeseftigen (Anseriformes) famylje einfûgels (Anatidae) skaai guozzen (Anser)
soarte
Anser erythropus
Linnaeus, 1758
IUCN-status: kwetsber
ferspriedingsgebiet
simmerfûgel      wintergast      trochtrekker      mooglik trochtrekker      dwaalgast

It Goudeachje (Anser erythropus ) is in 53-66 sm grutte fûgel út de famylje fan de Einfûgels. It is de seldsumste guozzesoart fan Jeropa. It goudeachje liket in bult op de Blesgoes, foaral troch de wite bles underskiede se har fan de oare guozzen. It goudeachje is wol in stik lytser as de blesgoes en hy hat in giele râne om syn each, dêr't er syn Fryske namme oan tanket.

Anser erythropus

Anser erythropus

Oare nammen

It goudeachje wurdt yn it Frysk ek wol oantsjut mei Kolgoes of Lytse Kolgoes.

Fersprieding

It goudeachje komt it meast foar yn it noarden fan Aazje mar der binne ek minsken dwaande de fûgel wer yn Skandinaavje te yntrodusearjen. De fûgels fan dat projekt fleane mei de oare guozzen út dat gebiet nei Nederlân om hjir te oerwinterjen.

Fuortplanting

It goudeachje bliuwt meast by deselde partner. Se begjinne yn maaie te brieden op sa'n 4-6 aaien. Nei in lytse fjouwer wike komme de jongen út, wêrnei se noch 5 wiken by de âlden bliuwe.

Sjoch ek

• List fan fûgels

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Anser erythropus fan Wikimedia Commons.