Gaasterlân-Sleat

Gemeente Gaasterlân-Sleat


(Flagge fan Gaasterlân-Sleat)		(Wapen fan Gaasterlân-Sleat)

Gebiet
- wetter

209,29 km²
- 101,54 km²

10.208

0514

8556 - 8583

Offisjele webstee

www.gaasterlan-sleat.nl

Gaasterlân-Sleat (offisjeel Frysk) is in gemeente yn it suden fan Fryslân, mei 10.208 ynwenners (1 jannewaris 2005), en mei in gebiet fan 209,29 km², wêrfan 101,54 km² wetter.

De gemeente hat oan de súdkant in kust fan sânkliffen oan de Iselmar, en is fierders foar in grut part boskgebiet. Troch de gemeente rint de N359.

Yn 1984 waarden oan de gemeente Gaasterlân de stêd Sleat en in part fan de gemeente Himmelumer Aldefurd tafoege. Yn juny 1985 hat de gemeente de namme oanpast ta Gaasterlân-Sleat.

Ferwachting fúzje op 1 jannewaris 2013 fan Lemsterlân, Skarsterlân en Gaasterlân-Sleat.

Lânskip [bewurkje seksje]

De namme Gaasterlân komt fan de 'gaasten' (lykas 'geasten'), hege balstien- en sângrûnen, opskood troch Skandinavysk lâniis sa'n 135.000 jier ferlyn. Dizze gaasten lizze om it iepen polderlânskip fan de Fryske marren en de grutte wetterflakte fan de Iselmar en soargje foar in weagjend lânskip. Fan de heechlizzende punten ôf kin fier sjoen wurde oer lân en wetter. Fierders is der in soad bosk, wêrtroch't in geskikt rekreaasjelânskip ûntstie dat oars is as oare dielen fan Fryslân.

De rike histoarje falt ôf te lêzen oan de monumintale gebouwen mei hals- en trepkegevels yn Sleat en Balk. De buorren fan Balk is dan ek oanwiisd as beskerme doarpsgesicht en de tige âlde stedskearn fan Sleat is beskerme stedsgesicht. De festingwâlden en bolwurken bringe de tiid fan Sleat as ûnnimbere festing yn it ûnthâld.

Troch de Iselmar, Sleattemermar en De Fluezen binne der in soad jachthavens en kampings.

Plakken [bewurkje seksje]

It haadplak is Balk, en de oare plakken yn de gemeente binne: Aldegea, Aldemardum, Bakhuzen, Ealahuzen, Harich, Kolderwâlde, Murns, Nijemardum, Riis, Rûgehuzen, Sleat, Sondel en Wikel.

Untwikkeling ynwennertal [bewurkje seksje]

De gemeente is 1 stêd en 13 doarpen ryk: Sleat mei 765 ynwenners (de lytste stêd fan Fryslân), Balk mei 3777 ynwenners (it bestjoerlik sintrum), Bakhuizen mei 1013 ynwenners, Ealahuzen mei 350 ynwenners, Harich mei 599 ynwenners, Kolderwâlde mei 68 ynwenners, Murns mei 113 ynwenners, Nijemardum mei 590 ynwenners, Aldegea mei 283 ynwenners, Aldemardum mei 1359 ynwenners, Riis mei 175 ynwenners, Rûgehuzen mei 126 ynwenners, Sondel mei 442 ynwenners en Wickel mei 690 ynwenners.(sifers 2009)