Frisistyk
Frisistyk is de stúdzje nei taal, kultuer en literatuer op wittenskiplik nivo dy't te krijen hat mei Fryslân, de skiednis fan Fryslân of de Friezen as folk.
Ynhâld |
Definysje [bewurkje seksje]
Yn maaie 2009 rôp dr. Goffe Jensma, heechlearaar oan de RUG, op om de stúdzje fan de Frisistyk breder te lûken. Neffens Jensma moat de nije definysje fan de stúdzje wêze: De wittenskip fan taal, kultuer en literatuer fan en yn Fryslân.
Universiteiten en ynstituten [bewurkje seksje]
Dútslân [bewurkje seksje]
- Kiel, Christian-Albrechts-Universität.
- Bredstedt (Noard-Fryslân) - Nordfriisk Instituut
Yn de stêd Flensburch, oan de 'Universität Flensburg', wurde Fryske seminars organisearre.
Yn Dútslân wurdt benammen omtinken jûn oan it Noard-Frysk. Oan de Universiteit fan Aldenboarch is in professorstoel foar it Sealterfrysk.
Oan de universiteiten fan Göttingen, yn súdeastlik Nedersaksen, en Kiel, yn Sleeswyk-Holstein, wurde kolleezjes oer it Sealterfrysk jûn.
Nederlân [bewurkje seksje]
- Grins, Frysk Ynstitút - Ryksuniversiteit Grins (RUG).
- Ljouwert, Fryske Akademy
Yn Amsterdam en Leien wurdt Frysk as byfak oan de universiteit oanbean. Takomstige dosinten Frysk kinne 2e en 1e graads foech foar it fuortset ûnderwiis helje. Oan de PABO's kinne takomstige leararen yn it basisûnderwiis ek it foech helje.
Ferneamde Frisisten [bewurkje seksje]
- Tony Feitsma
- Marron Fort, spesjalisearre yn it Sealterfrysk.
