Franke Sloothaak

Franke Sloothaak
CSI Katowice, 2009
Namme	Franke Sloothaak
Bertedatum	2 febrewaris 1958
Berteplak	It Hearrenfean
Sportive ynfo
Sport	Hynstesport
Underdiel(en)	Springe
Earste titel	1994 WK Springe De Haach
Olympyske Spullen	Los Angeles 1984, Seoel 1988, Barselona 1992, Atlanta 1996,
Debút	1969
Ekstra	Sûnt 1979 is Sloothaak Dútser

Franke Sloothaak (It Hearrenfean, 2 febrewaris 1958) is in Dútsk-Nederlânsk springruter.

Sloothaak begûn as 10-jierrige jonge op pony’s mei de rutersport en helle al gau syn earste súksessen yn 1969 mei in earste priis yn It Oranjewâld. Yn 1970 wûn er it provinsjaal kampioenskip. Waard as 12-jierrige útroppen ta de bêste lanlike ruter op it Indoors-konkoers yn de Fryslânhal yn Ljouwert. Treende oerdeis hynders by de firma Brouwer yn Aldskoat en folge jûns de Mafû. Yn 1972 waard hy provinsjaaal Z-kampioen, yn 1973 mei hynder Elsetta nasjonaal jeugdkampioen. Op 14-jierrige leeftiid hearde hy by de Nederlânske equipe dy't op de Europeeske kampioenskippen foar junioaren de sulveren medalje ferovere. Yn 1974 waard er jeugdkampioen, mei Polo Marco. Doe't hy 18 wie gie hy by de Dútse Olympysk kampioen fan 1976, Alwin Schockemöhle yn de lear. Yn 1979 waard hy Dútsk steatsboarger en twa jier letter helle hy op Argonaut foar de earste kear de Dútse kampioenstitel.

Fan 1996 oant 2011 hie er syn eigen stâl yn Borgholzhausen. Hy is heit fan twa bern.

Hichtepunten

Olympyske Spullen

• 1984 yn Los Angeles: brûnzen medalje (team) mei Farmer
• 1988 yn Seoel: gouden medalje (team) mei Walzerkönig
• 1996 yn Atlanta: gouden medalje (team) op Joly Coeur

Wrâldkampioenskippen

• 1994 yn De Haach: gouden medalje (team) en in gouden medalje yndividueel mei Weihaiwej
• 1998 yn Rome: gouden medalje (team) en in sulveren medalje yndividueel mei Joly Coeur

Europeeske kampioenskippen

• 1985 yn Dinard: brûnzen medalje mei syn team
• 1991 yn La Baule: sulveren medalje mei Walzerkönig

oare

• 3x Dútsk kampioen (1981, 1989, 1991)
• 1x winner yn de Grutte priis fan Aken (1989 mei Walzerkönig)
• 1x winner fan Deutschen Springderby yn Hamburch (2001 mei Landdame)

Boarnen, noaten en referinsjes

Boarnen, noaten en/as referinsjes:

(de) Offisjele webside (in) Profyl op Sport-reference.com G. Abma, Kl. Jansma en oaren (red.), Encyclopedie van het hedendaagse Friesland, Ljouwert: M.A. van Seijen 1975, Sloot, Jentje van der.