Fokker F.II

Ut Wikipedy
Gean nei: navigaasje, sykje
De Fokker F.II

De Fokker F.II wie in fan it Nederlânsk bedriuw Fokker boud fleantúch út jierren tsien fan de 20e ieu. It ûntwerp fan de F.II wie fan yngenieur Reinhold Platz en it wie it earste passazjiersfleantúch út de Fokker-fabriken. It prototype waard boud yn Dútslân dêr't ek de earste proefflecht wie yn 1919. koar skoft letter waard de produksje oerset nei Veere yn Seelân.

De F.II wie in ienmotorich, dûbelblêdich propellerfleantúch, in heechdekker (apart yn it tiidrek fan de twadekkers) mei in healiepen cockpit en dûbele bestjoering. Efter de cockpit wie in kabine mei plak foar fjouwer passazjiers. Der waarden totaal 23 fan boud.

It Nationaal Luchtvaart-Themapark Aviodrome yn Lelystêd hat in replika fan in F.II yn de kolleksje.

Fokker F.II by KLM[bewurkje seksje | edit source]

Nei't KLM maaie 1920 har earste linetsjinst mei in leased fleantúch iepene hie tusken Skiphol en Londen ûntstie der by de doetiidske direkteur, Albert Plesman rillegau it ferlet fan eigen masines. Hy keas de Fokker F.II. Hy bestelde july 1920 2 masines foar it bedrach fan 45.000 gûne. De H-NABC en de H-NABD waarden op 25 augustus 1920 oerdroegen. Op 30 septimber wie de earste kommersjele flecht; in retourfleht tusken Skiphol en Londen. Oan board wiene neist de fleander, Plesman sels, in sjoernalist en in grûndwurktúchkundige.

De F.II's joegen fuortendaliks wriuwing tusken Plesman en Fokker. Dy lêste wie al út ein set mei de bou fan de Fokker F.III wêrfan't KLM der 8 bestelde. Plesman woe syn F.II's graach ynruilje. Fokker woe dat net. De F.II's bleaune sadwaande ek nei de levering fan de F.III's yn tsjinst by KLM (al waarden se mar út en troch ynset). Yn 1927 waarden se trochferkocht oan it Belgyske Sabena.

Brûkers[bewurkje seksje | edit source]

Technyske feiten[bewurkje seksje | edit source]

Feiten
Bemanning 1–2
Passazjiers 4
Lingte 10,30 m
Spanwiidte 17,60 m
Hichte 3,70 m
Leechgewicht 1.650 kg
Startgewicht 2.300 kg
Krúsfaasje 130 km/o
Heechste faasje 150 km/o
Tsjinstplafond 4.000 m
Fleanberik 600 km
Motor ien wetterkuolle BMW IIIa-seissilinder-linemotor fan 136 kW (181 hk)


Keppeling om utens[bewurkje seksje | edit source]