Focke-Wulf Fw 190

Ut Wikipedy
Gean nei: navigaasje, sykje
Focke-Wulf 190A

De Focke-Wulf Fw 190 wie in jachtfleantúch dêr't de Luftwaffe mei fleach yn 'e Twadde Wrâldkriich. Wilens de kriich binne der 20.000 produsearre, dêrfan wiene 6.000 as (dûk)bommewerper ornearre. De Fw 190 wie populêr ûnder de piloaten. De Fw 190 hie in grut ferskaat mooglikheden, lykas doelen op 'e grûn oanfalle, it begelieden fan bommewerpers oer lange ôfstannen, koe nachts brûkt wurde en koe (benammen de "D" ferzje) heech yn 'e loft oare fleantugen ûnderskeppe.

Yn 'e hjerst fan 1937 frege it Reichsluftfahrtministerium (Ryksloftfeartministery) oan ferskate ûntwerpers om mei in ûntwerp te kommen foar in nije fjochtfleanmasine. in De ûntwerper fan de Fw 190 wie Kurt Tank. Hy wurke gear mei in keppel ûntwerpers en yngenieurs dêr't in part fan sels piloat wie. Hy fûn it wichtich de piloaten deryn te behellen, omdat dy ûnderfining hiene mei praktyske technyske problemen.

Produksje Focke-Wulf Fw 190
Jier Jachtfleantugen Bommewerpers
1941 226 gjin
1942 1.850 68
1943 2.171 1.183
1944 7.488 4.279
1945 1.630 1.104

Fw 190 A[bewurkje seksje | boarne bewurkje]

Fan de Fw 190 A binne njoggen ferzjes, de Fw 190 A-1 oant en mei Fw 190 A-9. It earste model (Fw 190 A-1) wie ree yn juny 1941. Nei it testen waard de Fw 190 A-1 krekt bûten Parys stasjonearre. Mei de A-3 kaam ek de earste Umrüst-Bausätze. De U1 hie in ETC-501 bommehâlder. De U2 hie trije RZ 73 mm raketlansearders yn beide wjukken. Mei de U3 waard de Fw 190 A-3 in jachtbommewerper, eltse wjuk krige in ETC-501 bomhâlder en SC-50 bom. De U-4 wie in type om mei te ferkennen, dy ferzje hie twa Rb 12.5 kamera's.
Alles meiinoar binne der 13.291 Fw 190A produsearre.

Fw 190 B[bewurkje seksje | boarne bewurkje]

De Fw 190 B is yn 'e testfase stykjen bleaun. It soe in fleanmasine wurde moatte mei bettere prestaazjes heger yn 'e loft. Der binne mar fjouwer Fw 190 B produsearre.

Fw 190 C[bewurkje seksje | boarne bewurkje]

De Fw 190 C wie inkeld in projekt, der binne gjin masines fan dit type produsearre.

Fw 190 D[bewurkje seksje | boarne bewurkje]

Fan de Fw 190 D binne fiif ferzjes, de Fw 190 D-9 oant en mei Fw 190 D-15.

Fw 190 F[bewurkje seksje | boarne bewurkje]

Fan de Fw 190 F binne njoggen ferzjes, de Fw 190 F-1 oant en mei Fw 190 F-9.

Fw 190 G[bewurkje seksje | boarne bewurkje]

Fan de Fw 190 G binne njoggen ferzjes, de Fw 190 G-1 oant en mei Fw 190 G-4 en Fw 190 G-7 oant en mei Fw 190 G-9.

Spesifikaasje Fw 190 D-9[bewurkje seksje | boarne bewurkje]

Fw 190 D-9

Algemiene eigenskippen

  • Bemanning: 1
  • Lingte: 10,2 m
  • Spanwiidte: 9,8 m
  • Hichte: 3,35 m
  • Wjuk oerflak: 18.30 m²
  • Leech gewicht: 3.490 kg
  • Fol gewicht: 4.350 kg
  • Maksimum gewicht om fan 'e grûn te kommen: 4.840 kg
  • Oandriuwing: 1× Junkers Jumo 213A-1 12-silinder omkearde-V sûgermotor, 1.287 kW, maksimum 1.544 kW (1.750 hk / 2.100 hk)

Prestaasjes

  • Maksimum faasje: 685 km op 6.600 m, 710 km op 11.300 m
  • Fleanberik: 835 km
  • Maksimum fleanhichte: 39,370+ foet (12,000+ m)
  • Klimradius: 3,300 foet/min (17 m/s)
  • Maksimum wjukbelêsting: 48.7 lb/ft² (238 kg/m²)

Bewapening

Keppeling om utens[bewurkje seksje | boarne bewurkje]

Wikimedia Commons Dit materiaal is beskikber by Wikimedia Commons as Focke-Wulf Fw 190 en wurdt mooglik ek brûkt by oare Wiky-projekten.