Fleur Agema

Ut Wikipedy
Gean nei: navigaasje, sykje
Fleur Agema

Marie-Fleur (Fleur) Agema (Purmerend, 16 septimber 1976) is in Nederlânsk politika. Ut namme fan de Partij foar de Frijheid (PVV) sit hja sûnt de Twadde Keamerferkiezingen 2006 yn de Twadde Keamer fan de Steaten-Generaal. Op 30 novimber 2006 waard sy beëdige.

Libben en wurk[bewurkje seksje | edit source]

Agema studearre arsjitektuer oan it HBO. Sy wie fan 1999 oant 2003 romtlik ûntwerper en projektlieder op in arsjitekteburo. Yn 2003 waard sy foar de List Pim Fortuyn yn de Provinsjale Steaten fan Noard-Hollân keazen. Op 17 oktober 2003 joech sy it betrouwen yn it bestjoer fan de LPF oer. Yn 2004 gie sy út de LPF fanwege yntern skeel. Sy gie fierder as ûnôfhinklike Groep Agema yn de Steaten. Yn de Steaten broch sy it yn har eagen te royale subsydzjebelied op it aljemint.[1]

Yn 2006 gie sy by de Partij foar de Frijheid fan Geert Wilders en kaam sy yn de Twadde Keamerfraksje fan dy partij. Sy lei har dêr ta op romtlike oardening, folkshúsfesting en ferkear en wettersteat. Teffens wie hja ficefraksjefoarsitter. Sûnt 2010 docht sy it wurd yn de keamer oer folkssûnens, wolwêzen en sport, jeugd en húshâlding, en subsydzjebelied.

Persoanlik[bewurkje seksje | edit source]

Fleur Agema is frijfaam en hat gjin bern. Desimber 2012 makke sy bekend dat hja multiple skleroaze hat.[2] Maaie 2013 sei hja yn it EO-programma De Kist dat hja fereale wie op in man út Hong Kong[3], mar meidat har wurk net te kombinearjen is mei in relaasje om utens bleau hja single.[4][5].

Underskieding[bewurkje seksje | edit source]

2011 krige Agema de priis 'Ingel fan it Jier' fan de KristenUny-jongerein PerspectieF fanwege har krewearjen foar it noch net berne libben en it op it aljemint bringen fan tebekbringen fan it tal abortussen.

Keppelings om utens[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. Een steeds smeriger verhaal. Reformatoarysk Deiblêd, 17 novimber 2006
  2. PVV-Kamerlid Agema lijdt aan MS, NOS, 12 desimber 2012
  3. Fleur verliefd in Hong Kong,'De Telegraaf', 15 maaie 2013
  4. Fleur Agema vrijgezel, 'Spits Nieuws', 16 maaie 2013
  5. 5 jaar later: Fleur Agema NTR