Feluwsk

Ut Wikipedy
Gean nei: navigaasje, sykje
Feluws taalgebiet op de kaart fan Utrecht en Gelderlân.

Feluwsk is in Nedersaksysk dialekt dat op de Feluwe sprutsen wurdt. It haaddialekt wurdt ûnderferdield yn it West- en it East-Feluws. Dizze dialekten lykje in protte op elkoar, mar der binne gramatikale ferskillen. Yn it East-Feluws seit men wie wa(a)rkt/wärkt en yn it West-Feluws wie/wulie wa(a)rken (wy wurkje). Dizze skiedsline hjit de Ienheids-pluralisline.

It West-Veluws wurdt ek wat mear beynfloede troch it Standertnederlânsk. Hoe tichter by de grins mei it East-Feluwsk at men komt, hoe mear't de dialekten fan it standertnederlânsk ôfwike. Yn it sintrale part dêr't it West-Feluws sprutsen wurdt, wurdt sein: hi staot, yn it noardwesten is dat: hij steet. Dat lêste ferriedet al wat Nedersaksyske ynfloed.

Troch syn plak oan de râne fan it nedersaksysk gebiet waard it Feluwsk eartiids ek wol by it Nederfrankysk rekkene.

In wiidweidige beskriuwing fan it Feluwsk jout it artikel Veluws (yn it Feluwsk).

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  • Dit artikel is in oersetting fan it artikel Veluws út de Nederlânsktalige Wikipedy.