Farmsum

Ut Wikipedy
Gean nei: navigaasje, sykje
Lizzing gemeente Delfsyl
Lizzing Farmsum yn de gemeente Delfsyl

Farmsum (Grinslânsk: Faarmsom) is in doarp yn de Nederlânske provinsje Grinslân dat grinzet oan de stêd Delfsyl. It ynwennertal is anno 2005 likernôch 2500. Farmsum hat mear as 320 bedriuwen en ek in soad ferienings.

Om it jier 1000 hinne waard foar it earst sprutsen fan it doarp Farmsum: Fretmarashem. Yn 1228 komt it foar as Fermeshem. Oan de ein fan de 14e ieu waard de namme as Fyrmesen skreaun en noch letter as Fermissum en Farremsem. De rjochtspraak, en ek de proasdij oer it easten fan Fivelingo en de Oldambten, wie doe yn hannen fan de Ripperda's, de bewenners fan it Hûs te Farmsum.

In de Frânske tiid, yn 1809, hat Farmsum yn skoftke in selstannige gemeente west. De Frânsen wiene fan doel en meitsje fan Farmsum en Delfsyl een twillingfesting. Dit soe betsjutte dat Farmsum in fortresse wurde soe, mar dêr is neat fan telâne kaam. By it belis fan Delfsyl (1813-1814) hie Farmsum swier te lijen ûnder de besjittingen en oanfallen fan de Frânsen en it frijmeitsjen fan it skoatsfjild om de festing hinne.

Farmsum hat foar in doarp fan syn grutte in opmerklik mânske tsjerke mei in hege toer. De tsjerke fan no waard boud yn 1869 om de brekfallige midsieuske tsjerke te ferfangen. In oar monumint is de nôtmole Aeolus dy't yn 1977 fan plak feroare is.

Farmsum is ek it berteplak fan de Nederlânske jurist Gerhardus Diephuis.

Keppeling om utens[bewurkje seksje | edit source]