Emile Roemer

Ut Wikipedy
Gean nei: navigaasje, sykje
Emiel Roemer

Emile Gerardus Maria Roemer (Boxmeer, 24 augustus 1962) is in Nederlânsk politikus. Ut namme fan de Sosjalistyske Partij (SP) is er sûnt de Twadde Keamerferkiezings fan 2006 lid fan de Twadde Keamer. Sûnt 2010 is hij de fraksjefoarsitter fan de SP yn de Twadde Keamer (de opfolger fan Agnes Kant).

Biografy[bewurkje seksje | boarne bewurkje]

Jeugd en ûnderwiiskarriêre[bewurkje seksje | boarne bewurkje]

Hy wie de fjirde yn in húshâlding mei fiif bern. Syn heit wie ôfdielingshaad op in kantoar.

Nei de mavo, havo en pabo wie Roemer fan 1986 oant 2002 ûnderwizer oan efterelkoar de R.K. basisskoalle 't Schrijverke yn Beuningen (1986-1992) en Jenaplanskoalle De Peppels yn Boxmeer (1992-2002).

Boargerlike steat[bewurkje seksje | boarne bewurkje]

Emile Roemer is yn 1986 troud mei Aimée Roemer, sy hawwe twa dochters en wenje yn Sambeek.

Polityk wurkpaad[bewurkje seksje | boarne bewurkje]

Gemeentlike polityk[bewurkje seksje | boarne bewurkje]

Roemer waard yn 1980 lid fan de SP. Fan 1980 oant 2007 wie er foarsitter fan de ôfdieling Boxmeer fan de SP. Fan 1 jannewaris 1994 ôf wie hy gemeenteriedslid yn de gemeente Boxmeer. Nei de gemeenteriedsferkiezingen fan 2002 waard er wethâlder fan Finânsjes yn in kolleezje mei VVD en CDA. Dy funksje ferfolde er oant 2006.

Lid Twadde Keamer[bewurkje seksje | boarne bewurkje]

Keamerlid Roemer is wurdfierder foar Ferkear en Wettersteat.[1]

Fraksjefoarsitter[bewurkje seksje | boarne bewurkje]

Nei it ôfgean fan Agnes Kant waard Roemer 5 maart 2010 keazen ta fraksjefoarsitter fan de SP.[2] By de Twadde Keamerferkiezingen fan 9 juny 2010 wie er listlûker. De SP helle by dy ferkiezings 15 sitten, in ferlies fan 10 oangeande 2006.

Listlûker Twadde Keamerferkiezings 2012[bewurkje seksje | boarne bewurkje]

Roemer wie listlûker foar de SP by de Twadde Keamerferkiezingen 2012. De partij helle doe wer 15 sitten.

Boarnen, noaten en referinsjes[bewurkje seksje | boarne bewurkje]

Boarnen, noaten en/as referinsjes:
  1. Emile Roemer gekozen tot fractievoorzitter en beschikbaar als lijsttrekker, SP, 5 maart 2010.
  2. Roemer nieuwe fractievoorzitter SP, Trouw, 5 maart 2010.