Efteling

Ut Wikipedy
Gean nei: navigaasje, sykje
Yngong fan it park

De Efteling is in attraksjepark yn de Nederlânske provinsje Noard-Brabân. It park leit yn Kaatsheuvel, tusken Tilburch en Waalwyk. Wat de besikerstallen oangiet is de Efteling it grutste ferdivedaasjepark fan Nederlân en it fjirdgrutste fan Europa.[1]

It park waard yn 1952 iepene en wie yn it earstoan ornearre as park foar lytse bern. Yn 'e rin fan de tiid is it in alsidich park wurden mei attraksjes foar bern en folwoeksenen.

Opbou fan it park[bewurkje seksje | edit source]

It park is opboud út ferskate riken (rijken):

  • It Marerijk yn it noardwestlike diel fan it park mei ûnder oaren de ferneamde attraksje Droomvlucht en it Mearkebosk (Sprookjesbos).
  • It Anderrijk hat ferskate attraksjes mei frjemde kulturen as tema foarmet it súdwestlike diel fan it park. Ferneamde attraksjes binne de Fata Morgana wyldwetterbaan Pirana.
  • It Reizenrijk leit yn it noardeastlike diel fan it park en foarmet it lytste diel (ryk) fan it park mei attraksjes lykas de Vogel Rok en de Carnaval Festival.
  • It Ruigrijk hat de measte attraksjes foar de grutten en leit yn it súdeasten fan it park. De tsjustere achtbaan De vliegende Hollander en de houten achtbaan Joris en de draak binne dêr ûnderdiel fan.
  • De Efteling Brink en de Pardoes Promenade binne gjin ûnderdiel fan in ryk. Sy hearre by it Centraal Parkdeel.

Keppeling om utens[bewurkje seksje | edit source]

Commons Commons: Efteling – foto, fideo en harktriemmen
Commons Commons: Mearkebosk (Sprookjesbos) – foto, fideo en harktriemmen

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. Global Attractions Attendance Report 2011 fan de teaconnect.org webside (PDF, Ingelsk).