East-Flylân
East-Flylân is it ienigste doarp fan de gemeente Flylân op it waadeilân Flylân. Sa't de namme al oanjout leit it oan de eastkant fan Flylân.
De jachthaven fan Flylân leit in eintsje bûten it doarp, tichtby it strân. De haven bestiet út in wurkhaven en in jachthaven. Dizze bestietit driuwende steigers fan 250 lisplakken mei stroom- en wetterpunten.
Ynhâld |
[bewurkje seksje] Skiednis
Oant yn de 13e ieu foarme it gebiet fan West-Flylân ien gehiel mei Aailân en de Moerweard, dy't fan belang wiene foar lânbou en fiskerij.
Fanwege de kultuerhistoaryske wearde fan steds- en doarpsgesichten fan East-Flylan, is it dorp yn 1971 oanmerkt as beskerme doarpsgesicht. Yn it doarp steane û.o. 39 gebouwen dy't ta monumint ferklearre binne. Bysûnder is it santjinde-ieuske Nikolaastsjerkje en it sechtjinde-ieuske hûs op nûmer 99, sûnt 1956 it kultuer histoarysk Museum Tromp's Huys. Dêrfoar wie dit it wenhûs mei atelier fan de Noarske skilderesse Betzy Akersloot-Berg. It gebou waard yn it ferline brûkt troch de kommissarissen fan de Admiraliteit.
Yn de Doarpsstrjitte stiet ek de eardere seefeartskoalle, no Hotel de Wadden.
Op Flylân bestie ea in twadde doarp mei de namme West-Flylân. Dit doarp waard yn 1736 troch de see oerstreamd. It moat in ein noardwest fan de Flyhors lein hawwe. East-Flylân, dat al yn 1245 bestie, leit yn de lijte fan it Fjoerboetsdún. Fan de ein fan de 16e ieu makke it doarp in bloeitiid troch dy't oant de 19e ieu troch gie. Dit kaam troch de geunstige lizzing oan in beskutte ree, dy't hieltyd mear brûkt waard troch it tanimmende frachtferkear nei de koloanjes fan de Republyk fan de Sân Feriene Nederlannen.
[bewurkje seksje] Museums
Flylân hat trije museums:
- Ynformaasjesintrum De Noardwester
- Tromp’s Huys
- Juttersmuseum yn it drinkelingenhúske
[bewurkje seksje] Fjoertoer
De fjoertoer fan Flylân stiet ek yn East-Flylân, op it heechste punt ( +40 meter ) fan Flylân: it Vuurboetsduin. De reade fjoertoer is 54 meter heech wurdt ek wol Vuurduin of Reade kabouter neamd. De fjoertoer is fan jitizer en it jout in wyt ljocht. dat wol 40 km fier skine kin. Flylân hat sûnt 1836 in fjoertoer. Yn 1986 is der in nije koepel op komd omdat it izer begûn te rustkjen en sadwaande lekkaazje ûntstie.
[bewurkje seksje] Mienskip
Op it Vuurboetsplein stiet basisskoalle De Seestjer. Oan de Lutineleane stiet in skoalle foar vmbo: De Krijtenburg. Troch ôfspraken kinne bern ek twa jier nei de Krijtenburg gean en dan oansluting krije op vwo op de wâl. It doarp hat yn de Flidunen in sportkompleks fan sporthal mei swimbad. Dêrnjonken lizze de tennisbanen fan TCV. Meidwaan oan sportkompetysjes wurdt wol dien mar is foar de eilânbewenners lestich. De VSV organisearret dêrom winterdeis ûnderlinge wedstriden foar de eilanners. Dit giet om follybal en fuotbalwedstriden. De roeivereniging Flylân organisearret jierliks in roeisloepenrees tusken Skylge en Flylân. Stifting Loopwad organisearret tegearre mei kemping Stortemelk alle jierren in heale maraton.
[bewurkje seksje] Strjitten op Flylân
Alle strjitten op Flylân.
[bewurkje seksje] Literatuer
- "Vlieland, van Hors tot Horn", auteurs T.F.J. Pronker en H.M. van Eck; (út druk)
- "Op zoek naar Vlielands Verleden", auteur D. Vermeulen.
