Doha

Ut Wikipedy
Gean nei: navigaasje, sykje
Doha
الدوحة‎ ad-Dawḥa
Modern Doha
Modern Doha
Sifers
Ynwennertal 998.651 (2009)
Oerflak 132 km²
Befolkingstichtens 7.565,5/ km²
Stêdekloft 1.723.064 ynwenners
Hichte 7 m
Polityk
Lân Katar
Gemeente/gûvernemint Doha
Oar
Stifting 1850
Tiidsône East Afrikaanske Tiid (UTC+3)
Koördinaten
Katar
Loftfoto fan Doha.

Doha (Arabysk: الدوحة, ad-doha of ad-dawhah) is in gemeente yn, en de haadstêd fan Katar. De stêd leit oan de Perzyske Golf. Lykas yn oare Arabyske lannen hat Katar ek mânske oalje- en gasfjilden, mar de fiskerij is dêr ek noch fan belang. Likernôch 80% fan de befolking fan Katar wennet yn Doha of har foarstêden. Hast alle ekonomyske aktiviteiten konsintrearret him yn Doha.

Doha hat in ûnderwiisdistrikt, Education City, dat hielendal wijd is oan ûndersyk, ûntjouwing en ûnderwiis.

Doha hat in ynternasjonaal fleanfjild (Doha International Airport). Der wurdt boud oan in nije ynternasjonale lofthaven dy't The New Doha International Airport(NDIA) hjitte sil. Yn 2015 sil it yn gebrûk naam wurde.

Doha hie har kandidaat steld foar de Olympyske Simmerspullen 2016,[1] mar hat it net helle.

2001 is yn Doha in ûntwikkelingsaginda fêstlein (DDA, Doha Development Agenda). De lannen dy't oansletten binne by de Wrâldhannelsorganisaasje (WHO) binne doe úteinset mei ûnderhannelingen om ynternasjonale hannelsbarriêres wei te nimmen. Dy ûnderhannelingsomloop, de Doha-omloop, is no noch oan de gong. [2]

Demografy[bewurkje seksje | edit source]

De gearstalling fan de befolking fan Doha's is frijwat apart. It grutste part fan de ynwenners binne wurknimmers út it bûtenlân. De etnyske Katarjers foarmje in minderheid. Foar it meastepart komme de bûtenlanners út Súd-Aazje, benammen út Pakistan, Yndia, Sry Lanka, Nepal, Filipinen, Banglades en Yndoneezje, dêrnei folgje lju út de Levant Arabyske lannen, Noard-Afrika en East-Aazje, mar it Feriene Keninkryk, de Feriene Steaten, Kanada, Frankryk, Súd-Afrika en Austraalje leverje in soad bewenners fan Doha.

Yn it ferline mochten bûtenlanners gjin grûn besitte yn Doha; dat mei no wol op plakken. Grûnbesitters út it bûtenlan yn Katar kinne tsjintwurdich makliker in ferbliuwsfergunning krije dat harren rjocht jout op wenjen en wurkjen yn Katar.

Eltse moanne ferfarre tûzenen minsken nei Katar, dat de befolking fan Doha is mear as ferdûbele yn de ôfrûne tsien jier. Troch dy grutte ynstream fan bûtenlanners is der wol krapte op de huzemerk ûntstien, mei fan gefolgen hegere huzeprizen en in tanimmende ynflaasje.

Der binne de lêste jierren ferskate nije tsjerken set yn Doha. De Emir hat per dekreet lân foar de bou fan godshuzen tawiisd. Maart 2008 waard de earste Katolike tsjerke yn Doha iepene. As teken fan respekt foar de pleatslike (Moslim) befolking, wurde kristlike symboalen net bûten tsjerke brûkt.

Jier Ynwennertal Stêdekloft
1986 217,294
1992 313,639 [3]
2001 299,300[4]
2004 339,847[5] 612,707
2005 400,051
2008 998,651

Klimaat[bewurkje seksje | edit source]

Doha hat in woastynklimaat. It leit op it Arabyske skiereilân, dat it klimaat is dêr hjit en skrok. Temperatueren lizze trochstrings boppe de 38° C fan maaie oant septimber, de fochtichheidsgraad ferskilt. De temperatuer kin simmerdeis moarnsier boppe de 25 C lizze. Yn de simmermoannen kriget de stêd suver gjin wetter en yn de oare moannen minder as 20 mm. Trochstrings falt der 75 mm it jier, it measte tusken oktober en maart. De winters binne myld, de temperatuer sakket hast nea ûnder de 7° C.

Simmertemperaturen berikke geregeldwei de 50 °C en heger.

Keppeling om utens[bewurkje seksje | edit source]

De Emiri Diwan (paleis fan de emir).

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. (in) Informatie over de kandidaatstelling voor de Olympische Zomerspelen 2016
  2. Doha Ontwikkelingsagenda (DDA)
  3. Capital Doha Population 484
  4. Doha op Tiscali.co.uk, 1984-02
  5. Sudan Airways - Doha; Sudanair.com 2010-06-27