De Prins (restaurant)

De Prins (restaurant)
bouwurk
Hotel-kafee-restaurant De Prins yn Makkum yn 2011
lokaasje
gemeente	Súdwest-Fryslân
plak	Makkum
adres	Tsjerkestrjitte 1
koördinaten	53°3'17" NB, 5°24'8" EL
bysûnderheden
type bouwurk	hotel
boujier	17e iuw
monumintale status	ryksmonumint
monumintnûmer	510854 510854
kaart

De Prins is in hotel-kafee-restaurant oan de Tsjerkestrjitte 1 yn Makkum. It gebou stiet by de Slûs Makkum.

Skiednis

Detail fan de tegelwand yn hotel-kafee-restaurant De Prins'

It blokfoarmige pand waard om 1870 boud en yn 1924 útwreide oan de efterkant. It pân waard nei 1898 ek brûkt as tramhalte op de tramline nei Harkesyl. It foarste part fan it gebou is twa lagen heech, dêr't de ûnderste laach fan wyt plastere is. De oanbou út 1924 telt trije boulagen mei in souderferdjipping. Yn de ytseal fan it gebou sit in tegelwand mei de ôfbylden fan tolve skippen. Elts ôfbyld is gearstald út 24 tegels. De wand is makke troch Adam Sijbel in tegelskilder út Amsterdam, dy't yn 1784 yn tsjinst trede by it tegelfabryk fan Kingma yn Makkum.

De Prins is erkend as ryksmonumint fanwege de seldsume tegelwand mei skipstablo's, de relaasje fan de ôfbyldingen fan de skippen mei de tichtby lizzende haven en de markante lizzing fan it gebou binnen it beskerme doarpsgesicht fan Makkum.

Boarnen, noaten en referinsjes

Boarnen, noaten en/as referinsjes:

Rykstsjinst foar it Kultureel Erfguod: De Prins, Makkum Stenvert, Ronald [et.al.] (2000) Fryslân. Monumenten in Nederland, deel 6 - Makkum Zeist: Rykstsjinst foar de Monumintesoarch / Swol: Waanders. ISBN 90 400 9476 4 Peter Karstkarel, P. Bloedmooi Wûnseradiel, side 98/99, útjouwerij Friese Pers Boekerij, Ljouwert, 2006