Chicago
| Chicago | ||
 |
||
| Mei de klok mei: Downtown Chicago, it Chicago Theatre, de Chicago 'L', Navy Pier, Millennium Park, it Field Museum en de Willis Toer | ||
| Sifers | ||
| Ynwennertal | 2.695.598 (2010) | |
| Oerflak | 606,2 km² | |
| Befolkingstichtens | 4.447,4 / km² | |
| Stêdekloft | 9.461.105 | |
| Hichte | 182 m | |
| Polityk | ||
| Lân | Feriene Steaten | |
| Steat | Illinois | |
| Countys | Cook, DuPage | |
| Oar | ||
| Stifting | 70er jierren 19e ieu | |
| Tiidsône | CST (UTC−6) | |
| *Simmertiid | (UTC-5) | |
Chicago is in stêd yn de Amerikaanske steat Illinois, yn it noarden fan de Feriene Steaten. Der wennen yn 2007 likernôch 2,8 miljoen minsken en is dêrmei de grutste stêd fan Illinois, yn de stêdekloft wenje likernôch 9 miljoen. De stêd leit oan de Michiganmar en wurdt ek wol de windy city neamd omdat it yn de stêd sa hurd waaie kin.
Ynhâld |
Ut de skiednis [bewurkje seksje]
Yn de krite dêr't no Chicago leit, wennen oarspronklik de Potawatomi. Chicago waard stichte yn 1830 en krige yn 1837 de stêdsstatus.
Op 8-10 oktober 1871 waard in grut part fan de stêd troch brân ferwoastge. Fan de 300.000 ynwenners rekke in tredde sûnder hûs. It tal deaden foel relatyf noch ta, 200 oant 300.
It fannijs opbouwen fan Chicago feroarsake in revolúsje yn de bouwkeunst. De útfining fan de lift en de elektrisiteit makke dat kantoartuorren fan mear as acht boulagen te ûntwerpen. Der waard drok eksperimintearre mei bousels fan jitizer, stiel en betonskelet.
Op 1-4 maaie 1886 wienen der grutte spannings tusken de fakbûnen en de plysje dy't de hicht krigen yn de Haymarket Riot. By de reboelje waard in bom tusken de plysjes smiten; de (ûnderstelde) oanfierders waarden arrestearre en feroardiele, in tal krige de deastraf howol't der gjin hurd bewiis foar harren belutsenens wie.
Yn 1893 waard yn Chicago de World's Columbian Exposition holden en yn 1933 nochris.
Yn de tiid fan de droechlizzing yn de jierren tweintich kamen yn Chicago in tal gangsterbendes op; de (wreed)ferneamdste wie Al Capone.
Chicago hie ea it grutste iepenbierferfiersnetwurk yn de Feriene Steaten. Begjin 20e ieu rieden der mear as 3000 trams oer goed 1000 myl oan spoar. Nei grutte fúzjes fan iepenbier ferfierbedriuwen yn de stêd waard de CTA oprjochte, de Chicago Transit Authority.
Klimaat [bewurkje seksje]
Yn jannewaris is de temperatuer om-ende-by -5,3 °C, yn july is dat 23,9 °C. Alle jierren falt der trochstrings 949,5 mm delslach (gegevens basearre op it tiidrek 1961-1990).
Ferneamde ynwenners [bewurkje seksje]
- Berne yn Chicago
- Walt Disney (5 desimber 1901-1966)
- Harrison Ford
- Robert Zemeckis
- Berne yn in oar plak
- Barack Hussein Obama (Honolulu (Hawaï), 4 augustus 1961), Presidint fan de Feriene Steaten (2009-hjoed)
- Kanye West (Atlanta, 8 jannewaris 1977), rapper en producer
Keppeling om utens [bewurkje seksje]
- Offisjele webstee fan de stêd (Ingelsk)
