Bunnik (gemeente)

Ut Wikipedy
Gean nei: navigaasje, sykje
Kaart gemeente Bunnik yn 1867.(Gemeente-atlas fan Nederlân)
De Beesde of "Cammingha"
Eartiidsk riedhûs oan it begjin fan de Boargemaster v.d. Weyerstrjitte
De Kromme Ryn fan it Vagantepaad ôf
Utsjoch fan Rhijnauwen ôf

Bunnik is in gemeente yn de provinsje Utert. De gemeente telt 14.440 ynwenners (2010) en hat in oerflak fan 37,62 km² (wêrfan 0,52 km² wetter). Haadplak is it plak Bunnik.

Skiednis[bewurkje seksje | edit source]

De skiednis fan de gemeente giet sa'n 2000 jier werom. De Romeinen bouden koart nei it begjin fan ús jiertelling by Fectio (Vechten) in wichtich castellum mei in haven oan de detiidske loop fan de Ryn, harren grinsrivier. Destiids wie de Lek minder wichtich. It measte wetter rûn fan Wijk by Duurstede ôf nei it noarden, troch Bunnik fia Utert nei Katwijk oan de Ryn (sjoch Kromme Ryn, Leienske Ryn, Alde Ryn).

By it castellum ûntwikkele him in hannelsplak. Dizze bleau bestean, ek doe't it castellum yn de fjirde ieu definityf troch de Romeinen ferlitten waard. It gebiet ward dêrnei earst beset troch de Friezen en de Franken. Yn 723 skonk de Frankyske hofmeier Karel Martel ûnder oare de restanten fan Fectio oan de Utertske tsjerke. Under tsjerklike lieding waard it gebiet tusken de 8e - en de 14e ieu hielendal ûntgûn. Wichtich foar de ûntginnings wie de daam dy't yn of koart nei 1122 yn Wijk by Duurstede yn de Ryn lein waard, sadat de Lek de trochgeande rûte waard. Sûnttiids is de wetterstân yn de Kromme Ryn te regeljen, mar is der hast gjin skipfeart mear. Yn de 8e en 9e ieu ûntwikkelen har de trije tsjerkedoarpen Bunninchem (Bunnik), Iodichem (Odijk) en Wercundia (Werkhoven). Yn de 12e - en 13e ieu waarden der lytse doarpstsjerkjes boud.

Ut de tsjerklike yndieling ûntwikkele him oan de ein fan de Midsieuwen in oantal gerjochten (bestjoerlike organisaasjes), dy't yn de Frânske tiid] ferfongen waarden troch gemeenten. Fan 1817 - 1856 leinen der fjouwer gemeenten op it grûngebiet fan de hjoeddeiske gemeente Bunnik, dy't elk in kertier leveren fan it gemeentewapen: de reade hoanne fan Bunnik; St. Nikolaas út Odijk; it Wite Hynder fan Werkhoven; en de Frânske leelje (út it Van Renesse-wapen) fan Rhijnauwen. De hjoeddeiske gemeente Bunnik bestiet sûnt 1964.

Yn augustus 1974 besleat de gemeenteried ta it fêststellen fan in gemeenteflagge. Trije weagjende banen fan grien, wyt en grien stelle de Kromme Ryn foar, streamend troch de griene fjilden.

Beskriuwing fan it gemeentelogo en de flagge[bewurkje seksje | edit source]

Flag of Bunnik.svg
Bunnik wapen.svg

It gemeentelogo dat sûnt de iepening fan it nije gemeentehûs yn 1996 brûkt wurdt, toant in symboalyske werjefte fan de gemeente Bunnik. De trije griene ringen ferwize nei de trije doarpen Bunnik, Odijk en Werkhoven, wêr'ut de gemeente bestiet. De twa blauwe, weagjende linen ferwize nei de Kromme Ryn as ferbinend elemint tusken dizze drie dorpen. Ek it tradysjonele wapen fan Bunnik is, yn stilearre foarm, ferwurke yn de hûsstyl fan de gemeente. De flagge bestiet út trije weagjende banen: grien, wyt, grien. Dizze banen steane symboal foar de Kromme Ryn dy't troch de griene ikkers fan gemeente Bunnik streamt.[1]

Omjouwng[bewurkje seksje | edit source]

De gemeente Bunnik leit tchtby in knooppunt fan spoarwegen en snelle ferbinings mei de histoaryske stêd Utert. De Kromme Ryn rint troch de trije kearnen fan de gemeente. It doarp Bunnik leit oan de N229, hat in ôfslach oan de A12 en in NS-stasjon, Stasjon Bunnik. Yn it westen fan de gemeente lizze lângoed Amelisweerd en de forten Rijnauwen en Vechten, beide oait ûnderdiel fan de Nije Hollânske Wetterliny.

Yn Rhijnauwen stiet ek de âldste jeugdherberch fan Nederlân.

Bedriuwslibben en organisaasjes[bewurkje seksje | edit source]

In Bunnik zijn onder andere de Koninklijke BAM Groep, de BOVAG, frisdrankfabrikant Vrumona en de stichting Alzheimer Nederland gevestigd. In Odijk houdt de CNV Hout en Bouw kantoor.

Kearnen[bewurkje seksje | edit source]

Bunnik, Odijk en Werkhoven

Trivia[bewurkje seksje | edit source]

Apple Inc. hat in skoftlang it haadkantoar foar de Benelúks yn Bunnik hân.

Boarnen, noaten en referinsjes[bewurkje seksje | edit source]

Boarnen, noaten en/as referinsjes:

  1. Geschiedenis en informatie over gemeentewapen, -vlag, beeldmerk en ambtsketen, Website Gemeente Bunnik

Wikimedia Commons Dit materiaal is beskikber by Wikimedia Commons as Bunnik en wurdt mooglik ek brûkt by oare Wiky-projekten.
 
Utert
Flagge fan de provinsje Utert
Amersfoart - Baarn - De Bilt - Bunnik - Bunskoat - Houten - Iemnes - IJsselstein - Leusden - Lopik - Montfoort - Nieuwegein - Oudewater - Renswoude - Rhenen - De Ronde Venen - Seist - Soest - Stichtse Vecht - Utert (haadstêd) - Utertse Heuvelrêch - Veenendaal - Vianen - Wâldenberch - Wyk by Duurstede - Woerden