Bruorren Halbertsma

De bruorren Halbertsma wienen trije Grousters út de 19e ieu dy't in soad betsjutten hawwe foar de Fryske literatuer. Trijeresom wurken se oan de Rimen en Teltsjes, in folksboek fol ferhalen en ferskes. Harren bertehûs stiet yn it Wilhelminapark yn Grou. De bruorren binne:

• Joast Hiddes Halbertsma, (*1789), wie dûmny en skreau ek oer de folkstaal. Syn leksikografyske wurk wie de grûnslach foar lettere Fryske wurdboeken.
• Tsjalling Hiddes Halbertsma, (*1792) wie hanneler yn tsiis.
• Eeltsje Hiddes Halbertsma, (*1797) studearre yn Leien en Heidelberg en waard dêrnei hûsarts yn Grou. Humor wie neffens de wurdearre dokter Eeltsje in goed medisyn tsjin in soad kwalen. Syn fersen foarmen it begjin fan de Rimen en Teltsjes. Eeltsje skreau ek it liet "De âlde Friezen". Skriuwer Pieter Terpstra hat der mei foar soarge dat dit letter it Frysk Folksliet waard.

Ofbyldingen

• 

  Joast Hiddes Halbertsma

• 

  Dr. Eeltsje Hiddes Halbertsma

• 

  Tinkstien foar Dr. Eeltsje Hiddes Halbertsma