Bradford

Ut Wikipedy
Gean nei: navigaasje, sykje
Bradfort
Stedhûs Bradfort
Stedhûs Bradfort
Sifers
Ynwennertal 293.717(2008)
Oerflak 64,4 km²
Befolkingstichtens 3.468 / km²
Polityk
Lân Feriene Keninkryk
Lân Ingelân
Regio Yorkshire and the Humber

Bradford is in stêd (city) yn it bestjoerlik gebiet City of Bradford, yn it Ingelske greefskip West Yorkshire.

Bradford hat tegearre mei it 14 km fierderop lizzende Leeds in lofthaven.

Histoarysk is Bradford part fan de West Riding of Yorkshire. Bradford waard yn de 19e ieu in sintrum fan ynternasjonaal belang foar de tekstylyndustry, benammen wat it ferwurkjen fan wol oanbelage. Yn de tiid fan de Yndustriële Revolúsje groeide it plak rap (boomtown), hearde it by de earste yndustrialisearre stêden yn de wrâld en waard it rillegau de "wool capital of the world".[1] Yn de omkriten genôch stienkoal, izer en wetter foar hannen ta foldwaan fan Bradford syn fabriken. Meidat de tekstylyndustry bot groeide, naam ek de befolking eksplosyf ta. Stipe troch dy ûnjouwings waard der in soad ynvestearre yn stedsûntwikkeling. De Fiktoriaanske arsjitektuer, mei as goed foarbyld it stedh^s, tsjûget der noch fan.

Mids 20e ieu rekke de tekstylsektor yn ferfal. Sûnt moat de ekonomy fan Bradford it meast hawwe fan it toerisme. It Nasjonaal Mediamuseum en de Cartwright Hall lûke in soad minsken. Dochs hat Bradford te krijen mei deselde útdagings as oare Noard-Ingelske stêden yn it post-yndustriële tiidrek, ûntyndustrialisearring, húsfestingsproblemen, sosjale ûnrêst en tanimmende earmoed. Bradford wurdt ek wol sjoen as in skoalfoarbyld fan 'neist elkoar libjende mienskippen' (paralel communities), dêr't de befolkingsgroepen troch etnyske-, kulturele- en religieuze grinzen út elkoar hâlden wurde.

Nei de Twadde Wrâldkriich krige de stêd in soad ymmigranten út Poalen en Oekraïne en yn de jierren '50 ek út Banglades, Yndia en benammen út Pakistan.

Bradfort

Berne yn Bradfort[bewurkje seksje | edit source]

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. of Bradford op visitbradford.com; 2008-04-23