Bot (Kompjûter)

Ut Wikipedy
Gean nei: navigaasje, sykje

In bot is in kompjûterprogramma dat him nei oare kompjûters ta yn prinsipe hâldt lykas minsken dat dogge. Systemen dêr't in protte kontakt is mei bots, hawwe lykwols faak ek oanpaste tagong dy't de kommunikaasje tusken de bot en de oare kompjûter ienfâldiger makket.

WWW[bewurkje seksje | boarne bewurkje]

Op it Wrâld-wiid-web binne bots aktyf dy't foar syktsjinsten siden besykje. Nei't de bot sa'n side opfrege hat, krekt as in blêder dat docht, wurdt de side ferwurke foar de syktsjinst. Dêrnei begjint de bot, krekt as in minske dat dwaan koe, de keppelings te folgjen dy't er op de side fynt.

Wikipedia[bewurkje seksje | boarne bewurkje]

Op Wikipedia binne ek bots aktyf, foar bewurkings dy't te ientoanich binne foar minsklike meidoggers. Sa kin bygelyks in bot ynset wurde om de ynwennertallen fan plakken by te wurkjen, of om stobbesiden oan te meitsjen dy't hielendal út tabelgegevens opboud binne..

Namme[bewurkje seksje | boarne bewurkje]

De namme bot komt fan robot, in masine dy't him yn prinsipe sa hâldt as in minske.

Kriminaliteit[bewurkje seksje | boarne bewurkje]

Fansels hawwe ek kriminelen it gemak fan in Bot ûntdutsen. Sy meitsje in Botnet om ryk te wurden.