Bob Schepers

Ut Wikipedy

Bob Schepers (Ynskedee, 30 maart 1992) is in Nederlânsk fuotballer fan SC Cambuur-Leeuwarden.

Schepers is in talintfolle linksbûten dy't earder fuotballe by de amateurklup Blauw Wit ‘34 út Ljouwert. Hy begûn yn it seizoen 2008-2009 yn de B-jeugd fan SC Cambuur-Leeuwarden. Op tiisdei 24 febrewaris 2009 tekene hy in 3-jierrich kontrakt. Fan dat stuit ôf trene hy ien kear yn de wike mei mei it earste fan Cambuur. Op 17-jierrige leeftyd debutearre hy yn it earste alvetal en waard koart dêrnei foarfêst oerhevele nei Cambuur 1.

Yn 2009 waard Bob Schepers selektearre foar it Nederlânsk alvetal ûnder de 17 en die mei oan it Jeropeesk Kampioenskip yn Dútslân fan 6 oant 19 maaie. Ek yn dat team spile hy linksbûten. Hy helle de finale dy't jammerlik ferlern waard fan Dútslân yn de ferlinging.