Biikebrennen

Ut Wikipedy
Gean nei: navigaasje, sykje
Biikebrennen

Biikebrennen (Dútsk), biikebrånen (Noardfrysk) of Pers Aften (Deensk) is in tradisjoneel folksfeest yn Noard-Fryslân en yn Denemark. Op Sint Piter (21 febrewaris) wurde dan grutte brânsteapels (de biike) opsmiten. Elk doarp en in soad pleatsen en buorskippen hawwe harren eigen biike. By in soad biikes binne ek noch oare feestlike aktiviteiten, lykas toaniel en sjongen. Op de eilannen Föhr/Feer, Amrum/Oomram en Sylt/Söl hawwe harren ferskate tradysjes ûntwikkele, lykas it besykjen om de biikes fan de oanbuorjende doarpen foar de tiid te fernielen. Op de fêstewâl is yn de earste helte fan de 20e ieu mar in bytsje oan it biikefeest dien, mar nei de Twadde Wrâldoarloch is de tradysje fuortset.

Oer de oarsprong fan it biikebrennen bestean ferskillende teoryen. Mei de biike soe de kommende maaitiid ferwolkomme wurde. De striepoppe dy't yn guon doarpen op de brânsteapel stiet soe dan de winter foarstelle dy't troch de waarmte fertard wurdt. Der wurdt ek wol tocht oan de biike as symboalyske fjoertoer, lichtwol as opfolger fan de primitive ljochtbeakens dy't yn de 17e en 18e ieu opsmiten waarden foar de seefarders en benammen de protten manlju dy't mei wiene op walfiskfeart. Dat soe de namme fan it feest 'beaken baarne' ferklearje.

Sjoch ek[bewurkje seksje | edit source]