Barneveld (gemeente)

Ut Wikipedy
Gean nei: navigaasje, sykje
Sintrum fan Barneveld.
Kaart fan in diel fan de gemeente Barneveld yn 1866
Barneveld en omjouwing

Barneveld Nedersaksysk: Barreveld of Bareveld) is in gemeente yn de provinsje Gelderlân. It haadplak is it plak mei deselde namme Barneveld. De gemeente beslacht in gebiet fan 176,74 km² en hat in ynwenneroantal fan 52.500 (2010). In ynwenner fan Barneveld wurdt in Barnevelder neamd.

Kearnen[bewurkje seksje | edit source]

Ynwenners per wenkearn en kearngebiet
1 jannewaris 2006
Plaknamme Wenkearn Kearngebiet
Barneveld 23.960 28.640
Voorthuizen 8.110 9.710
Kootwijkerbroek 1.810 4.870
Garderen 1.470 2.060
Zwartebroek 800 1.260
Terschuur 750 1.480
Stroe 720 1.500
De Glind 350 630
Kootwijk 130 280
Bron: CBS

Buorskippen en oare ûnoffisjele kearnen: Essen, Esveld, Garderbroek, Harselaar, Kallenbroek, Moorst (gedieltlik), Wessel en Rekreaasjegebiet Zeumeren.

Geografy[bewurkje seksje | edit source]

De gemeente grinzet oan de gemeentes Nijkerk, Putten en Ermelo yn it noarden. De gemeente Apeldoorn yn it easten. De gemeentes Ede, Renswoude, Scherpenzeel en Woudenberg yn it suden en de gemeentes Leusden en Amersfoort yn it westen.

De gemeente Barneveld leit foar in grut part yn it sintrale diel fan de Gelderse Fallei. Yn it easten en it noardeasten lizze de sângrûnen fan de Feluwe mei bosken, heidefjilden en yn de buert fan Kootwijk it Kootwijkerzand. De gemeente wurdt fan east nei west trochsnien troch de Barneveldse Beek.

Ekonomy[bewurkje seksje | edit source]

Lânbou[bewurkje seksje | edit source]

De gemeente hat in hege konsintraasjebargehâlderijen en plomfeehâlderijen. It lânbougebiet bestiet benammen út greide en relatyf in bytsje ikkerlân, útsein oan de râne fan de Feluwe en hjir en dêr ferspraat oer de gemeente.

It oantal hinnen yn de gemeente Barneveld is it grutste fan alle Nederlânske gemeentes: 2,9 miljoen hinnen (2004).

Troch de hege konsintraaje fan (plom)fee hat de gemeente in heech dongoerskot.

Toerisme[bewurkje seksje | edit source]

Benammen op de oergongssône tusken de Fallei en de Feluwe lizze in bulte campings, de measten tusken Voorthuizen en Garderen.

Media[bewurkje seksje | edit source]

De gemeente Barneveld hat mei de Barneveldse Krant in deiblêd dat alle dagen ynformearret oer nijs út de gemeente en de regio. Fierders is der it hûs-oan-hûsblêd fan Wegener, Barneveld Vandaag. Dizze krante ferskynt trije kear yn de wike.

De lokale omrop fan de gemeente is Radio Barneveld. Dizze stjoert út op 93.1 FM op de kabel, 93.5 FM yn de eher en fia it ynternet út.