Bandar Sery Begawan

Ut Wikipedy
Gean nei: navigaasje, sykje
Bandar Sery Begawan
Sultan Omar Ali Saifuddin Moskee
Sultan Omar Ali Saifuddin Moskee
Sifers
Ynwennertal 140.000 (2008)
Oerflak 100,36 km²
Befolkingstichtens 272/ km²
Stêdekloft 276.000
Hichte 9 m
Polityk
Lân Brûnei
Daehra Brûnei en Muara
Oar
Tiidsône Mean Solar Time (UTC+07:39:00)
Koördinaten
Webside Webside fan de gemeente Bandar Sery Begawan

Bandar Seri Begawan is de haadstêd fan it Aziatyske sultanaat Brûnei. De stêd leit op de noardouwer fan de rivier Brûnei en bestiet út twa dielen: it eigentlike Bandar Seri Begawan en it tichtbefolke Kampong Ayer.

Brûnei mei de wichtichste plakken
Yndrukken fan Bandar Sery Begawan

Skiednis[bewurkje seksje | edit source]

Bewenning oan de ouwers fan de rivier Brûnei kin neigien wurde oant yn de 7e ieu; doe wienen dêr al delsettingen dy't in soad hienen fan dy yn Kampong Ayer. Sy leine tichteby it plak dêr't no it Museum fan Brûnei stiet.

Sery Begawan waard ferneamd nei de sultan syn ferstoarne heit Sir Omar Ali Saifuddien op 5 oktober 1970. De oarspronklike namme wie Bandar Brunei. Begawan is in namme dy't jûn wurdt oan monargen fan Brûnei nei har abdikaasje. De titel komt fan it wurd foar 'god' út it Sanskryt: भगवान bhagavān. Sery komt ek út it Sanskryt, Sri. Bandar komt út it Perzysk بندر fia Yndyske talen en betsjut "havenstêd" of "haven" (bandar betsjut "stêd" yn it Maleisk).

Op 1 augustus 2007 joech de sultan fan Brûnei tastimming foar it útwreidzjen fan Bandar Sery Begawan fan 12,87 kante kilometer nei 100,36 kante kilometer.

Demografy[bewurkje seksje | edit source]

Yn agustus 2010 lei it ynwennertal fan Bandar Sery Begawan om de 140.000 en yn de stêdekloft wenje sa'n 278.000 minsken. De mearderheid fan de Brûneianen is Maleizjer en de grutste minderheid wurdt foarme troch Sinezen. Lânseigen befolkingsgroepen sa as de Iban wurde ek sa'n bytsje as Maleizjers beskôge. Fierders hâlde dêr grutte oantallen tydlike arbeiders yn Brûnei ta, meast út Yndoneezje, de Filipinen en it Yndiaaske subkontinint.

Klimaat[bewurkje seksje | edit source]

Bandar Sery Begawan hat in tropysk reinwâld klimaat. De stêd hat it hiele jier troch in protte delslach, trochstrings 120 mm it jier; in maart falt de minste rein. Oktober oant desimber binne de wietste moannen, mei rûchwei twa fan de trije dagen rein. Lykas alty in gebieten mei in tropysk reinwâldklimaat, binne de trochsneed temperaturen yn dizze stêd it hiele jier troch frijwat konstant, mei as trochsneed heechste temperaturen fan sa'n 32 C en trochsneed leechste fan 23 C.

Keppelings om utens[bewurkje seksje | edit source]

Wikimedia Commons Dit materiaal is beskikber by Wikimedia Commons as Bandar Seri Begawan en wurdt mooglik ek brûkt by oare Wiky-projekten.