Bagavad Gita
De Bagavad Gita (transliteraasje út it Sanskryt: Bhagavad Gītā; letterlik "Liet fan 'e Hear") foarmet in ûnderdiel (Bisma Parva 23-40) fan in tige lang epysk gedicht mei de namme Mahābārata (letterlik: "Grut Yndia"), in boek skreaun troch de wize Vyāsadeva (Vyāsa, Bādarāyana), dat in grutte rol spilet yn it Hindoeïsme. Omdat it boek God as in persoan (de alomtsjintwurdige Vishnoe) foaropstelt is de wichtichste ynfloed fan it boek werom te finen yn de bakty-beweging sa't dy te finen is by de Vaisnava's yn Yndia en yn it Westen.
Krishna treedt hjirby nei foaren as de wichtichste manifestaasje fan God op ierde: as Bagavān, de Heechste Persoanlikheid fan God, de Hear fan de Yoga (Yogīśvara). It boek heart, omdat it ûnderdiel útmakket fan de Itihāsa dy't de Mahābārata is, ta de saneamde smrity, de ferhalen oan de hân wêrfan men him God (īśvara, paramātmā of brahma) herinnert. Dochs wurdt it boek ek wol omskreaun as de Gītopaniṣad of Yogupaniṣad. Mei dy oantsjutting fan Upanishad, of 'essinsjele vedyske filosofy', wurdt oanjûn dat it boek in status hat dy't te fergelykjen is mei dy fan de Veda's (de śruty). It boek wurdt dan ek mei de "Krisjna-bibel", it Srimad bhagavatam, ta de saneamde fyfde Veda rekkene.
De Bagavad Gita waard ûnder deselde titel (sij it stavere as Bhagavad Gita) oerset yn it Frysk en it Nederlânsk troch Eric Hoekstra mei as ûndertitels It Liet fan God en It Boek fan de Yoga. Beide fertalings waarden yn juny 2012 yn ien bân útjûn troch Utjouwerij Elikser te Ljouwert, mei stipe fan 'e provinsje Fryslân.
Sjoch ek[bewurkje seksje]
- Krishna
- Bakty yoga
- Hindoeïsme
- Śrīmad bhāgavatam
- Vedyske filosofy
- Smrity
- Hare Krishna
- Vaishnavisme
- Vaishnava
- Bakty
- ISKCON
Keppeling om utens[bewurkje seksje]
- (nl) Bhagavata.net.
- (nl) Bhagavad Gita, Stichting Ars Floreat.
| Boarnen, noaten en/as referinsjes: |
|
 |
Ofbylden dy't by dit ûnderwerp hearre, binne te finen yn de kategory Yoga fan Wikimedia Commons. |
