Bad Bentheim

Ut Wikipedy
Gean nei: navigaasje, sykje
Bad Bentheim
Greefskip Bentheim yn Nedersaksen
Greefskip Bentheim yn Nedersaksen
Sifers
Ynwennertal 15.567 (2010)
Oerflak 100,16 km²
Befolkingstichtens 155 / km²
Hichte 49 m
Polityk
Lân Dútslân
Dielsteat Nedersaksen
Distrikt Greefskip Bentheim
Oar
Koördinaten
Webside www.bad-bentheim.de
Wapen fan Bad Bentheim

Bad Bentheim (Nederlânsk, âlderwetsk: Bentem, Benthem) is in Dútse stêd yn it distrikt (Landkreis) Greefskip Bentheim yn de dielsteat Nedersaksen. It plak leit tichteby de grins mei Nederlân, op de hichte fan Oldenzaal. Bad Bentheim is ferneamd troch it Kastiel Bentheim (Burg Bentheim) en de stiensoarte Bentheimer sânstien.

Skiednis[bewurkje seksje | edit source]

Bad Bentheim is de eardere haadstêd fan it Greefskip Bentheim en hat in lange skiednis. It plak wurdt foar it earst neamd yn 1050 as Binithem. Yn 1945 bepaalde it Britsk bestjoer dat de haadstêd tenei it mear yndustialisearre en sintraler lizzend Nordhorn wurde moast.

Wichtich skaaimerk fan de stêd is Kastiel Bentheim, dat yn 1116 foar it earst neamd wurdt. De Greven fan Bentheim lieten it bouwe.

Yn 1650 reizge keunstskilder Japik fan Ruisdael tegearre mei syn freon Nikolaas Berchem nei Bentheim. Hy makke 15 skilderijen mei Kastiel Bentheim. Ek Berchem makke in stikmannich.

Om 1711 hinne waarden dêr misinale swevelboarnen ûntdutsen; dêrfandinne waard it plak in erkend heilbad en waard it wurd "Bad" oan de namme taheakke. Yn 1865 krige Bentheim stedsrjochten.

Mei Bentheimer Gold waard Bentheimer sânstien oantsjut. De hannel dêryn krige (fan de 15e oant en mei de 18e ieu) syn beslach nei benammen Münsterlân, East-Fryslân en oer de Oeriselske Fecht nei Nederlân. De sokkel fan it Frijheidsbyld yn New York is makke fan Bentheimer sânstien; it Paleis op de Daam yn Amsterdam is ek fan dy stien boud.

Stedsbyld[bewurkje seksje | edit source]

Ferneamde ynwenners[bewurkje seksje | edit source]

Partnerstêd[bewurkje seksje | edit source]

 
Nedersaksen
Flagge fan Nedersaksen
Landkreise

Aldenboarch - Ammerland - Auwerk - Bentheim - Celle - Cuxhaven - Diepholz - Fryslân - Gifhorn - Goslar - Göttingen - Hameln-Pyrmont - Hanover - Harburg - Helmstedt - Hildesheim - Holzminden - Iemslân - Kloppenboarch - Lier - Lüchow-Dannenberg - Lüneburg - Nienburg - Northeim - Osnabrück - Osterholz - Osterode - Peine - Rotenburg - Schaumburg - Soltau-Fallingbostel - Stade - Uelzen - Vechta - Verden - Wesermarsch - Wittmund - Wolfenbüttel

Kreisfreie Städte
Aldenboarch - Braunschweig - Delmenhorst - Emden - Osnabrück - Salzgitter - Wilhelmshaven - Wolfsburg