Avebe

Ut Wikipedy
Gean nei: navigaasje, sykje
AVEBE ua
AVEBE-logo
Basis ynformaasje
Namme AVEBE ua
Oprjochte 1919
Haadfestiging Veendam
Produkten Ierdappelsetmoal
Omset € 574 miljoen (2009-2010)
Webside AVEBE
AVEBE-lokaasje Ter Apelkanaal
ierappelûntfangst yn Ter Apelkanaal

De koöperaasje AVEBE U.A. is in ûndernimming dy't de hiele wrâld oer produkten leverret mei ierdappelsetmoal en ierdappelaaiwyt as basis foar tapassings yn fieding, bistefoer, papier, bou, tekstyl en kleefstoffen. AVEBE hat fêstigingen yn Foxhol, Ter Apelkanaal en Gasselternijfean.

By AVEBE binne sa'n 2500 boeren oansluten, ferparte oer seis distrikten (twa yn Dútslân en fjouwer yn Nederlân ). De koöperaasje hat fabriken yn Nederlân, Dútslân en Sweden. Der arbeiden yn 2014 sa'n 1300 minsken en it bedriuw hat in omset fan € 574 miljoen (2009-2010)

Skiednis[bewurkje seksje | edit source]

De namme AVEBE komt fan Aardappelmeel Verkoop Bureau (AVB). De koöperaasje waard oprjochte yn 1919 as gearwurkingsferbân tusken Grinslanner koöperative ierdappelsetmoalfabrikanten om foar dyen goede prizen te krijen foar natyf setmoal. De boerekoöperaasjes ferkrongen de private setmoalbedriuwen nei de produksje fan setmoalderivaten. Yn 1948 waard de namme AVEBE wizige yn Coöperatieve Verkoop- en Productievereniging van aardappelmeel en derivaten AVEBE B.A en yn 1956 waarden de earste derivaten (ôflieden produkten fan ierdappelsetmoal) makke.

De skiednis fan AVEBE is sterk ferbûn mei de skiednis fan de Grinslanner Feankoloanjes en it setmoalbedriuw KSH (Koninklijke Scholten-Honig) oprjochte troch Willem Albert Scholten, Nederlânsk earste multinational en diels oernomd yn 1978 nei it fallisemint.

AVEBE is no de grutste produsint fan ierdappelsetmoal yn de wrÂLD. De boeren binne noch altiten de baas oer de koöperaasje middels in lederied.

Resinte ûntwikkelingen[bewurkje seksje | edit source]

Nei ynvestearrings sûnt de jierren 90 yn ferbreding fan it bedriuw yn weet en tapioka hat AVEBE syn aktiviteiten sûnt 2006 reorganisearre om de ierdappelsetmoal tylt.

AVEBE hat sûnt 2005 de ggo-frij amylopektine ierdappelsetmoal, Eliane op de merk en ynvestearret yn in nije raffinaazjetechnyk foar it meitsjen fan natyf ierdappelaaiwyt. It native ierdappelaaiwyt, Solanic, jout nije gebrûksmooglikheden yn benammen fiedingstapassings.

Festigingen[bewurkje seksje | edit source]

It haadkantoar fan AVEBE is in septimber 2006 ferhuze fan Veendam nei Foxhol. Ek oare kantoren in Veendam sille fan de hân dien wurde; der bliuwt noch ien laboratoarium en in gedielte fan de kommersjele organisaasje oer. Hjirmei komt in ein oan in desennialange ferbyntnis tusken AVEBE en Veendam.

Keppeling om utens[bewurkje seksje | edit source]

  • website AVEBE
  • D. Strijker - Globalization of a potato starch co-operative: the case of AVEBE. In: P.H. Pellenbarg and E. Wever (eds)., International business geography. Routledge, London and New York, 2008, siden 169-185.[1]
  • Dorien Knaap - Voor geld is altijd wel een plaats te vinden: de firma W.A. Scholten (1841-1892), de eerste Nederlandse industriële multinational, Utjouwerij Van Gorcum, 2004, ISBN 90-232-4053-7, 9789023240532 [2]
  • Max Dendermonde - Hoe wij het rooiden. De veenkoloniale aardappelboer en zijn industrie, AVEBE Veendam, 1979