Ada fan Hollân

Ut Wikipedy
Gean nei: navigaasje, sykje
Ada de Hollande.png
Ada fan Hollân
libben
berne ? - 1188
ferstoarn ? - 1223
heit Durk VII
mem Aleid fan Kleef
houlik
datum ? - 1203
partner Loadewyk II fan Loon
bern gjint
Greve fan Hollân en Seelân
perioade 1203 - 1207
foargonger Durk VII
opfolger Willem I
Armoiries Hollande.png
Hûs Hollân

Ada (1188 - 1223) wie grevinne fan Hollân en Seelân fan 1203 ôf. Ada wie in dochter fan Durk VII en Aleid fan Kleef. Doet har heit yn 1203 ferstoar wie Ada de lêste noch libjende dochter. Om de posysje fan Ada te ferstevigjen liet men de doe 15 jierrige Ada (noch foar it te hôf bringen fan har heit) trouwe mei Loadewyk II fan Loon.

Har omke Willem I erkende Ada net as grevinne fan Hollân en rôp himsels út ta greve fan Hollân. Hy krige dêrby stipe fan de eallju fan Kinmerlân wêrnei't Aleid fan Kleef en Loadewyk fan Loon nei it Utert flechte moasten.

Ada waard (nei it te hôf bringen fan har heit) troch oanhingers fan Willem by Leien bekrongen. Se ferstoppe har yn de boarch fan Leien, dy’t nei in koart belis troch de Boarchgreve fan Leien, Philips fan Wassenaar, ynnommen waard. Ada waard troch har omke nei de Ingelske kening Jan sûnder Lân stjoerd en Willem naam it greefskip op him. Der folgde in kriich mei de namme Loonske oarloch dy’t oan 1206 ta duorje soe. De oarloch einige mei it ferdrach fan Brugge yn 1206. Formeel besjoen waard it greefskip tusken Willen en Loadewyk fan Loon opdield. Willem krige Seelân en de streek om Geetruidenberg hinne, en Loadewyk de rest.

Yn 1207 wist Loadewyk fan Loon Ada frij te krijen, mar Ada moast har oanspraak op it greefskip opjaan. Loadewyk en Ada hawwe noch wol besocht om it werom te krijgen. Mar dizze striid waard in ûnderdiel tusken Frankryk en de Hohenstaufen dynasty. Willem wist Hollân lykwols sûnder grutte swierrichheden foar himsels te behâlden. Yn 1213 moasten Loadewyk en Ada harren oanspraak op it greefskip Hollân opjaan.

Ada ferstoar sûnder bern yn 1226 en is te hôf brocht yn de Abdij fan Herkenrode yn it greefskip Loon.

Keppeling om utens[bewurkje seksje | edit source]