Anty-Revolúsjonêre Partij

Ut Wikipedy
(Trochferwiisd fan ARP)
It logo fan de ARP
Portret fan Abraham Kuyper troch Jan Veth

De Anty-Revolúsjonêre Partij is as rjochting om 1830 ûntstien ûnder lieding fan Guillaume Groen van Prinster. 'Anty-revolúsjonêr' ferwiist nei it fersmiten fan de begjinsels fan de Frânske Revolúsje.

Yn 1878 waard it ta partij organisearre troch Abraham Kuyper en wie it de earste politike partij fan Nederlân. As begjinselprogram waard "Ons Program" skreaun. Yn Fryslân bestie grutte sympaty foar de antyrevolúsjonêre begjinsels by de rjochtsinnige protestanten. De earste AR-kiesferiening waard yn 1852 oprjochte yn Ljouwert. Troch de Doleânsje ûntstie ferwidering. Foar de AR-partij oer kaam de CHU te stean, oprjochte troch herfoarme predikanten. Sûnttiids wiene de AR en de grifformearden hast identyk.

By de ferkiezings fan 1956 helle de AR yn Fryslân 22% fan de stimmen (yn Nederlân hast 10%). Yn de Steaten wiene doe 12 fan de 50 sitten troch antyrevolúsjonêren beset. De AR-Partij wie it sterkst yn de Dongeradielen, Dokkum, Dantumadiel en Kollumerlân.

It Provinsjaal Bestjoer bestie út 185 leden (út elke kiesferiening ien ôffurdige). It Deistich Bestjoer waard foarme troch 10 leden. In AR Propaganda Kommisje soarge foar lektuer, films, kursussen en sprekbeurten (22 leden). De froulju hiene in AR Froulju Aksje (allinnich yn Fryslân) en de jongerein wie yn de (lanlike) ARJOS organisearre. It oantal leden yn Fryslân wie 12.938 (1956). De partij hie in provinsjaal buro mei in besoldige siktaris.

Kristen Demokratysk Appèl[bewurkje seksje | boarne bewurkje]

Lêste gearkomst fan de ARP oer it opgean yn it CDA: Hans de Boer (r), d%erneist f.l.n.r. Bukman, Van Houwelingen en Kuiper

Yn 1967 wie de ARP tegearre mei de Kristlik-Histoaryske Uny (CHU) en de Katolike Folkspartij (KVP) yn petear oer hoe't 'Kristlike polityk' der útsjen moast. De fraksjelieders Biesheuvel, Mellema en Schmelzer kamen op telefyzje om it motto samen uit, samen thuis te ferdúdlikjen. Under lieding fan Piet Steenkamp rjochten de trije partijen yn 1973 it Kristen Demokratysk Appèl (CDA) op. Yn 1980 waarden ARP, CHU en KVP opheft. De ARP gie fierder mei in katolike partij wylst men yn de jierren 50 noch in lichte wjersin foar katoliken oer hie.

Ledetal[bewurkje seksje | boarne bewurkje]

Leden Anty-Revolúsjonêre Partij[1]
Jier Oantal leden Jier Oantal leden
23 febrewaris 1946 86.500 31 desimber 1967 90.904
1950 102.737 31 desimber 1968 87.378
1955 98.028 31 desimber 1969 83.127
31 desimber 1956 95.038 31 desimber 1970 80.695
31 desimber 1957 97.186 31 desimber 1971 74.118
31 desimber 1958 99.340 1 jannewaris 1973 69.742
31 desimber 1959 99.613 1 jannewaris 1974 65.116
31 desimber 1960 97.980 1 jannewaris 1975 61.761
31 desimber 1961 98.544 1 jannewaris 1976 59.495
31 desimber 1962 100.847 1 jannewaris 1977 57.661
31 desimber 1963 98.016 1 jannewaris 1978 57.642
31 desimber 1964 95.796 1 jannewaris 1979 56.405
31 desimber 1965 94.164 1 jannewaris 1980 54.500
31 desimber 1966 93.398

Resultaten by parlemintsferkiezings[bewurkje seksje | boarne bewurkje]

1918: 13,4 %

1922: 13,7 %

1925: 12,2 %

1929: 11,6 %

1933: 13,4 %

1937: 16,4 %

1946: 12,9 %

1948: 13,2 %

1952: 11,3 %

1956: 9,9 %

1959: 9,4 %

1963: 8,7 %

1967: 9,9 %

1971: 8,6 %

1972: 8,8 %

Antyrevolúsjonêre ministerpresidinten[bewurkje seksje | boarne bewurkje]

Partijfoarsitters[bewurkje seksje | boarne bewurkje]

Ofbyld persoan perioade
Dr. Abraham Kuyper Dr. Abraham Kuyper 1879 - april 1905
Dr. Herman Bavinck Dr. Herman Bavinck april 1905 - 17 oktober 1907
Dr. Abraham Kuyper Dr. Abraham Kuyper 17 oktober 1907 - 31 maart 1920
Dr. Hendrikus Colijn Dr. Hendrikus Colijn 14 april 1920 - 26 april 1933
Dr. Jan Schouten 6 juni 1933 - 6 septimber 1939
Dr. Hendrikus Colijn Dr. Hendrikus Colijn 6 septimber 1939 - 1 april 1941
Dr. Jan Schouten maaie 1945 - 22 juny 1955
Mr. Anton Roosjen 22 maaie 1955 - 23 april 1956
Dr. Wiert Berguis 23 april 1956 - 15 juny 1968
Mr. Anton Roosjen 10 febrewaris 1968 - 15 juny 1968
Dr. Mr. Antoon Veerman 15 juny 1968 - 11 maaie 1972
Drs. Jan de Koning 9 febrewaris 1974 - 13 desimber 1975
Hans de Boer 13 desimber 1975 - 10 oktober 1980

Sjoch ek[bewurkje seksje | boarne bewurkje]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  • Brouwer, J. H. e.o. - Encyclopedie van Friesland, 1958. Antirevolutionaire Partij
  • H. Colijn - Saevis tranquillus in undis (Amsterdam, 1940)
  • Jaarboekje van de AR Partij in Friesland
  1. ARP - ledentallen (Documentatiecentrum Nederlandse Politieke Partijen)